رد: وزارة الخدمة المدنية هذا ظلم بحق طلبة الانتساب
عزيزتي فآطمة
كون إنك مقهورهـ عشآن ماعتمدو الشهآده ..مأألومك بس تجي تقولي إن الإنتسآب اجدر من التعليم عن بعد
اسمحيلي احنا درجآتنا مابيجو الاستاذات ويوزعوها علينا هديه
انا كنت انتساب وماكنت امسك الكتب الا قبل الاختبارات بأسبوع ولما نقلت عن بعد كرفت كرف كآني انتظام
حضور محاضرات ولو ماحضرتي او مافتحتيها ( حرمان من الماده ) والمحاضرات يوميا يعني لو كومتيها على راسك ومافتحتيها يوميا مابتلحقي عليها
الواجبات ينزلوها لنا دفعه وحده واحنا عندنا 6 مواد والواجبات طويله بعض الدكتورات تعطينا واجب اقل شي جوابه 3 صفحات وورد ؟؟؟
غير الاختبارات اللي كلها ورا بعض
غير انه لازم تضيفي 2 منتديات لكل ماده ؟؟؟
احنا اختباراتنا الدوريه خلصت الاسبوع اللي قبل الاختبارات النهائيه على طول !!!
وتقولي انتو اجدر من التعليم عن بعد ؟؟؟
احنا زينا زي الانتظام بالضبط ومع ذلك ومع اني تعليم عن بعد الا اني اقول انه الانتساب والتعليم عن بعد يتعبو بالدراسه ومهتمين اكثر من الانتظام
اما انك انتي تقولي اجدر وعدد اكبر ابغا افهم ايش المقياس اللي قستي عليه عشان تقولي اجدر وعمر الجداره ماكانت بالعدد
واذا انتو معتمدين على نفسكم احنا معتمدين على ايش ؟؟
احنا محاضراتنا نفس محاضراتكم اللهم انتو بيختصروها لكم في اسبوعين احنا بيوزعوها على الترم ومافي اي مساعده ولاحذف من المواد
وشكرا
طيب خيتوو .. انا اعتقد ان الانتساب مثل التعليم عن بعد مافيه فرق الا بالنقاط اللي ذكرتيها .. واحس من كلامك انك تقللين من كفاءه طلاب الانتساب وان مستواهم اقل وادني من التعليم عن بعد .. لا ياحبيبتي احنا كلنا نفس الشيء دراستنا عبر الانترنت والتعليم عن بعد مايجي شيء بجنب الانتظام وهذا معروف الانتظام افضل من الانتساب والتعليم عن بعد من كل النواحي ..
مو عشان التعليم عن بعد ينكرف بالواجبات والمحاضرات اليوميه تعطينه الافضليه الكبرى .. لان المهم مو بكثره المحاضرات والواجبات والحضور .. المضمون المطلوب هو مدى فهم الطالب للماده .. يعني انتي فاهمه الماده خلاص مو فاهمه هذي مشكلتك ..
المهــــــــــــــــــــــــــم تكونين فاهمه الماده .. واحنا الانتساب دامنا فاهمين الماده الحمدلله مايحتاج يصير عندنا مثل نظامكم .. لاتربطين عدد المحاضرات وقوانينكم التعليميه للتعليم عن بعد بجدارة وكفاءة تعليمكم عن الانتساب .. اهم شيء تكون درجاتك عاليه ومستوى فهمك للماده شامل ..
وحتى في اي مجال عمل يهتمون اكثر شيء من ناحية فهمك حتى لو درجاتك واطيه يسوون لك اختبار ويقيسون مدى فهمك لمجال العمل اللي حابه تشتغلين فيه .. مو بعدد المحاضرات ولا بالواجبات ..
الزبده (( افهمي الماده وهذا المطلوب ))
|