موضوعك يشكر عليه و انا عندي استفسارات اتمنى القى لها اجوبة انا طالبة تحضيري تعليم عن بعد مقيمة بالسعودية ابغا اعرف كيف اقدم على طلب الانتظام و انا منتسبة اصلا لجامعة الملك عبد العزيز ارجو الاجابة على استفساري مع المعلومية اني خلصت اختبارات المستوى الاول ؟!
|
عندك اكثر من حل عشان تقدمي عالانتظام ..
اولها : لو كنتِ يمنية فالسفارة اليمنية فتح التقديم للمنح من 1 ياينير وبيستمر الين 31 ياناير ،،
تقدري تقدمي بشرط تكوني مختبرة قدرا وتحصيلي طببعاً ..
غالباً يقبلون الموزون 90٪ وفوق ،، لو موزونك مو عالي تقدري تقدمي عالمنحة الحين وتعيدي القدرات في شهر 3 وبإذن الله لو جبتي درجة عالية ورفعت موزونك تحدثي بياناتك عن طريق موقع الملحقية وتزيد فرصتك في القبول ،،
طريقة حساب الموزون 50٪ ثنوي + 20٪ تحصيلي + 30٪ قدرات
القبول عن طريق السفاره بيجي عالترم الثاني من السنة الجاية بإذن الله ،، بس ممكن يعلنون عن اسماء المرشحين في مارس .
هذا بالنسبة للسفاره اليمنية .
/
ثاني طريقة في شعبان تقدمي لم يفتح التقديم مع تقديم السعوديين تقدمي عن طريق موقع الجامعه ،، والقبول للغير سعوديين يتأخر يجي عالترم الثاني ، زي هالوقت تقريباً ..
كمان لازم موزونك يكون 90 وفوق عشان تضمني القبول العام ماقبلوا احد اقل من هالموزون ..
فعيدي قدرات وتحصيلي وشدي حيلك لو موزونك مو 90 وبإذن الله تجيبي درجات عالية وفالك القبول : )
ولو محتاجة اي مراجع للمذاكرة نقدر نفيدك ^ـ^
في كثير هنا مننا بيعيدوا عشان يرفعوا موزونهم ويقدموا السنة الجاية بإذن الله .
الحل الثالث : بما اك اصلا تعليم عن بعد حاولي درجاتك كللها تكون عاليه وتجيبي نهاية التحضيري معدل 4.75 وفوق وقدمي على تحويل لإنتظام ،،
التحويل لانتظام تقدمي عليه في الصيف تقريباً ،، عن طريق عمادة الرجال والمعامله تاخذ وقت ونتائج التحويل تجي عالترم الثاني ،، يعني الترم الاول من السنة الجاية كمان بتدرسيها تعليم عن بعد والترم الثاني تجي نتائج التحويل ،،
بس لم تحولي التخصصات العلمية ماتكون متاحة للأسف ><
هذا الي اقدر افيدك فيه اتمنى افدتك : )
وايي سؤااال احنا حاضرين : )
موووفقه