[heba.]

المشاركة الأصلية كتبت بواسطة حيــــــاة ممم طفش !! ما اعتقد .. الي انتظر وانتظر وانتظر واختبر اكثر من مرة عشان يرفع موزونة ويقدم اكثر من مرة وماتخاذل وماتكاسل وماقال مستحيل اعيد واش ابغى بوجع الرآس ،، ماعمل هذا كله الا لانه يبغى يدرس ومابيطفش .. اعتقد خانك التعبير هو مابيكون طفش .. بس ممكن الشعور بالضغط والدخول للعالم الجديد بس راح تستمر المثابرة وبتقوى العزيمة مع كل مطب ومع كل صعوبة وكل عقدة بإذن الله . لأنه الي يبغى شيئ لازم يوصله وماينفع يتسلل له ولو 1٪ طفش . ^^ معليش عالهذرة بس استفزتني كلمة طفش .. وحفزتني زيادة اني ابقى صامدة حتى آخر رمق والين اتخرج وانا مبسوطة ;) شكراً على نصايحك .. وبالتوفيق للجميع : )

حياه ماعرف ايش اقولك
غير الله يسعدك وين ماكنتي ويحقق كل اللي ببالك ع ردودك اللي ترفع معنويات الجميع
عارفة لما قريت ردك مع انو موليا حسيت اني اخدت جرعة تفائل كبييرة تكفيني شهر
اليومين هذي مادري ايش فيني ,,!! جاتني حالة إكتاب فظييييييييييييعة
وطول اليوم يجيني شعور حزن ورغبة في البكاء و بحس بمشاعر سلبيه بسبب جلستي بالبيت الطويلة هذي ,, و مو قادرة استحمل للدرجة اني منكدة على كل الي حوالية واي حاجة ولو كانت صغيرة اكبرها و اجلس اصارخ و ازعق على اي شي
وكرهت كل شي حتى سبت مذاكرة القدرات ..
واجلس اقول ليش كذا حظي طايح><
ليه يصير فيا كدا اش معنا انا !!
انا كنت دافـــورة ودايما معدلي فوق 97% ماينزل عن كدا ومهتمة بالدراسة اكتر من صحباتي اللي اغلبهم في سنة تانية جامعة, وانا مادخلت لسة .. !!
تخيلي كنت دايما اجلس بأول صف بالفصل وما احب اجلس ورا عشان اركز مع الابلة ,, و من شدة الدفرنة غالبا ماكنت انزل الفسحة مع صحباتي و اجلس اذاكر او احل واجباتي متحمسة بدون تعب او زهق..يعني كنت بختصار "مصطـــفى بزات نفسواا "
في الاخير يصير فيا كدا
واللي اقل مني بيدرسو وصارو احسن مني
يعني كل داك التعب عشان اجلس بالبيت ..!!
و اجلس احطم نفسي بدي الافكار السلبية اللي ماراح تفيدني بشي غير انها حتزيد من حالتي سوأً أكثر واكثر . .
واول ما اتذكرك انسى كل دى واقول ماني احسن من حياه صبرت اكتر مني
,