شكرا Princess Tima على هذا الموضوع الرائع
بالنسبه للرياضيات كانت تدرسني استاذه ضحى ابو الحماايل...
مرررره ععسل وحبوووبه وتفهم ماتخرجي من عندها الا وانتي فاهمه كل حاجه
الفيزياء دكتورة نور الهدى
الأغلب كان يعاني منها كتير وانا وحده منهم بس الحمدلله كان اخويا معايا تحضيري وانا كنت دايما ارجع البيت وافهم كل شي واحاول احل له تمارين وغير كدا بالاختبارات احل كتير اسئلة
والحمدلله ماتعبت بالاخر وجبت دررجه مرره حلوه الحمدلله.. بس ع الاغلب تتعبي معاها
بالنسبه للحاسب أستاذه دلال بخيت
مرره هاادية وتشرح بذمه وضمير معنو الحاسب يعتمد ع الفهم بس احيانا الشرح الكتير بيفيد لانو زي ماتعرفوا اسئلة الاختبار ماادري كييف يجيبوا اشياء هبله ماتعرفي احيانا ايش تختاري يعني بالمعني انو مايعتمد كتير على الحفظ اكتر من انو يعتمد على ايش الاصح من بين الخيارات دي انا مااخوفكم هيا مادة سهله وحلوه بس برضو مو حلو تضيعي فيها درجاتك
مهارات الأتصال أستاذة ولاء باجنيد
الانساانه دي كنت استنى محاضرتها وكمان لاني انا حضررميه تعجبني ههههههههههه من اول يوم دخلت مزاجي وكانت تدقني بالكلام الحضرمي من اول محاضره بس والله مرره عسسل لانو نحنا كلاسنا ماشاء الله اللهم لاحسد بس 6 بنات واغلبنا من اليمن ماعدا وحده مصريه.... اكتر شي كان مغلبنا انو 6 بنات خصوصا وقت العرض مرره كانت بيااخه بس برضوا استمتعنا مع بعض ..
بالنسبة للانجليزي انا كنت ليفل 2 مع استاذة وبعدين غيروها لانها كانت تتكلم عربي والبنات ماحبوا وانا كمان اشوف اجنبيه احسن عشان انتي تنجبري تتكلمي معاها وتتعودي وجاتنا استاذة باكستانية اسمها سعدية مرررررررررررررررررررررره كووويسه حتى تدريسها نظام معاهد على كلام البنات لاني انا ماقد دخلت معهد بس تخليكي تتكلمي طول الوقت انجليزي وتسألك بشكل عام عن حياتك كل يوم مرره حلو يعني تبغاكي تتكلمي اكتر من انك تكتبي و بس للاسف الى الان ماعرفت درجتي بالانجليزي وهيا الوحيدة اللي معطلتني مرره مقهوره....بس ليا كلام معاهم الجاامعه يوم السبت المصخره زادت عن حدها
طبعا اكيد
Princess Tima دحين كدا
[COLOR="SandyBrown"]تقول هادي معايا ايوا انا معاكي وبنفس الكلاسات بس مين؟؟؟ هههههههههههه
انا تقريبا عرفتك من النك بس انتي صعب تعرفيني
