على فكره حاسه أنكم تتعبوا نفسكم بهذه الطريقة
و أغلب البنات يقولوا سمعت أن فلانه أحسن واحده
ما في واحده قالت تجربتها الحقيقية
و لاحظت البعض يقول عن فلانه انها موكويسة
و تجي ثانية تقول انها كويسة ؟؟؟؟
على العموم لكل انسان طريقة تفكيره ...
في دكتور يشرح بالتفصيل الملل يمكن طلبه يحبوه و طلبه يتشتوا و يناموا
دكتور يشرح باختصار طلبه يركزوا معاها و طلبة يضعوا ... عشان كده لا تعتدموا على راي بعض اتوكلوا على الله ثم على نفسكم يعني لو ما ذاكرتم كويس راح تتعبوا و مهما كانت استاذتكم كويس برضوا ما راح تجيبوا درجات ...
اهم شي أنكم تذاكروا أول بأول ... بالنسبة للكيمياء و الفيزياء و الرياضيات ذاكروا الامثلة بتركيز و حاول تربطوا بينهم و أعرفوا ليه هذه المسألة حلتيها بهذه الطريقة و لا ما أتحلت بطريقة ثانية .... بعض الاحيان الكتاب يشرح بطريقة مختصره و يكون هناك خطوة أو اثنين مو مكتوبة أنتبهوا لها ... حلو التست بانك بنفسكم و الاسئلة في الموقع التفاعلي ... اذا غلطتي راجعي حلك ثاني لو عرفت تحليه ممتاز .... اذا ما عرفتي
ممكن تراسلي أو تسألي دكتورتك ..بهذه الطريقة المعلومة راح ترسخ في راسك و صعبة أنك تنسيها .... و حتى لما الدكتوره تقول لك الفكره اللي غابت عنك تحسي أنه في لمبة نورت في راسك .... . أعرف بنات حتى لما يجيبوا مدرسات خصوصيات برضوا ما يجيبوا درجات و السبب أنهم ما جربوا يعتمدوا على نفسهم و يحلوا بنفسهم
معادلة السنة التحضري = 25% حضور + 25% أستاذة تشرح كويس + 20% مذاكرة ممتاز+30 % حل أسئلة اضافية = 100% نجاح بتفوق
بالتوفيق