وعليكم السلام ورحمة الله وبركاتهــ
أختي كلنا نعرف انو دا الشي حرام اساسا ومايصير ،،
لكن خلينا نفكر بعقل شويه وبمنطق من وجهة نظري الشخصية اشوف انو لكل انسان اسبابو ،،،
طبعا لا تفهمي كلامي غلط او اني راضية عن دا الشي لا والله اني مااراضاه وانقهر على البنت اللي تسويه لاني احسها تنزل مستواها وهيا اكبر من كدا ،،،
احنا دايما نشوف الامور بمنظور واحد ومن زاوية وحده بس ،،،
ونتغاضى عن حاجات كتير ومانشوفها يعني مثلا البنت دي ليش خرجت ؟؟؟؟
الكل بدون تفكير يقول نفس الاسباب انها مو متربية وانها وانها ......
لكن باختصار لكل انسان اسبابو مانقدر نحكم على الجميع بشي واحد ،،
كل وحده عندها اسباب خلتها تسوي كده لاتقولو انو فراغ عاطفي او نقص حنان ،،
ممكن تكون دي اسباب لكنها مو السبب الرئيسي او الدافع لهم كلهم ،،،
لانو انتي بنفسك قلتي انهم واعيين وعارفين مخاطر دا الشي فأكيد اللي خلاها تسوي كدا اسباب احنا مانعرفها ،،
الله يهدي شباب وبنات المسلمين ويستر علينا وعليهم يارب ،،،