[حيــــــاة]

المشاركة الأصلية كتبت بواسطة مزاحمتهم غريبة مو عادة حياة تختفي 0_0 ههههههههه شكلها لسه تحتفل .. الله يديم فرحها ..

ههههههههههه من جد ماني عارفه الحق على هنا او هناك او البيت

امين يارب والجميع

المشاركة الأصلية كتبت بواسطة sosita اليوم ساعه 1 الظهر دقت عليا الي سلمنالها الاوراق قالتلي انو صورتك الشخصيه ماهي موجوده << ضيعتها وقالتلي احنا خلاص وقفنا نقبل احد فتعالي الحين وجيبي معاكي الصوره رحت لها قالتلي انو بياناتي كلها بالكمبيوتر بس باقي ترفع الصوره راحت دقت ع وحده اسمها ناديه وقالتلها انو في بنت امس جابت اوراقها بس ابغا اعدل وارفع صورتها شكلها ناديه دي رفضت وهيا تبا تقفل قالتلها خلاص ححطلك اياه ع المكتب وبكرا شوفيه < يمكن كانو يتكلمو عن ملفي وقالتلي بكرا او السبت راح تدق عليا وحتقولي ايش حيصير حسبي الله ونعم الوكيل يضيعو وانا اتحمل النتيجه لو خلتها ترفع ايش كان صار ماحتخسر شي ياخوفي مايقبلوني وكدا تكون راحت علياا وسألتها عن الدراسه قالت الكل حيتأجل للسنه الجايه قلتها ماينفع دا الترم قالت احتمال كبير السنه الجايه دا الترم صعب

يوووه ،، ربي ييسر لك ومايعملوا لك مشاكل ،،
لاتقلقي بإذن الله خير وتأكدي ربي مابيضيع لك تعب : )

المشاركة الأصلية كتبت بواسطة وهيبوا انا اتصلت اليوم اولا على العمادة .. قالوا لي لسا ما وصل شيء وقال وكيل عمادة القبول في الرياض وبيجيب الملفات معاه وهو جاي اتصلت على الوزارة يوم السبت قالوا انت مقبول لكن باقي موافقة وزارة الداخلية وحتوصل الثلاثاء قبل شوية اتصلت على الوزارة قالوا لي انت من اي جامعة بدون ما اقول اسمي قلت الملك عبدالعزيز قلي اتصل بكرة وبنعطيك الرد النهائي في القبول وارسلت واحد للجامعة قلهم في طلاب انقبلوا ومدري كيف وكيف تقولوا لسا ما وصلت الاسماء .. قال هذول عيال الدكاترة ومدري كيف << احسه صرفه وعلى الدراسة .. قال اللي حينقبلوا الحين كلهم حيدرسوا السنة الجاية .. الله يعين وييسر .. راح الكثير وباقي القليل .. اللهم تمم على خير

لا مو اولاد الدكاترة ،، لو اولاد الدكاترة ماكانوا تمرمطوا معنا من بداية الترم هههههههه
الي فهمناها انهم يبغوا يوقفوا القبول عشان مايكون في حجة انه احد يداوم هالترم ،،

ارجعوا راجعوا الاسبوع الجاي وبإذن الله تتمموا قبولكم وحتى لو بتتأجل الدراسة للنسة الجاية مو مشكلة اهم شيئ قلبكم يكون مرتاح زينا انكم مضمونين قبول ،.

ربي ييسر لنا كل خير
الله يفرح الجميع

المشاركة الأصلية كتبت بواسطة zo0o0z حياةة اخويا راح امس قالولو اسمك موجود انقبلت بسس ما جاب اوراقو اليوم راح قالولو الوزارة موقفةة استلام الاوراق عشان الترم بدا يمكن تداومو الترم الجاي و ما نقدر نستلم اي اوراق ليين تجينا اوامر من الوزارة و قالو تعال السبت بيكون في خبر ان شاء الله طيب مافي احد راجع اليوم يقولنا ايش صار استلمو منو الاوراق ولا لا

اليوم واحد من العيال برضه راجع قالوا له نفس الكلام ><
يروح لهم السبت والاحد والاثنين وكللل يوم وياخذ اوراقه عشان اول مايقولوا له في شيئ على طول يسلمهم ويتمم قبوله ،.

ربي يفرحه بالقبول

المشاركة الأصلية كتبت بواسطة نبض الابتسامة شسمه .. ترى مو متأكدة من رقم المكتب بس اول ما تدخلي العمادة تلفي يمين وهناك تلقينه .. عموما اسالوا الاستاذة اللي كملت لكم الاجراءات وحتدلكم فين الجداول يب يب انا وعدتككك لما تخلصي الشرفيةة ع خير اجيكم بالسليمانيةة ان شاء الله بالنسبة للتاجيل .. ترى مرررة بدري اجلسسوا فوق روسهم الين م تداوموا >>> الجامعةة تمشي بالزن اي اي عرفته المكتب الي عاليمين <<هناك وحدة جننتها ،. بعد مارجعت البيت حزنت عليها التأجيل بننشب لهم لين يرضوا نداوم لانهم بجد بنات الشرفية قالوا مررره مافاتنا شيئ ،،. الله يكتب لنا الخير وين وكيف ماكان انا داومت متأخرة ومشيت زي الحلاوة م كأنوا فاتني شيء .. الله يسر لكمـ

اي اي عرفته المكتب الي عاليمين <<هناك وحدة جننتها ،. بعد مارجعت البيت حزنت عليها

التأجيل بننشب لهم لين يرضوا نداوم لانهم بجد بنات الشرفية قالوا مررره مافاتنا شيئ ،،.
الله يكتب لنا الخير وين وكيف ماكان

ولقائنا قريب بإذن الله : )

المشاركة الأصلية كتبت بواسطة عشقَ البرشاَ صباح الورد : بنات اللي تروح الجامعة تكفوون لاتنسو تطمنونا يارب اصبّح على اقصد امسّي على خبر جميل ان شاءالله .. ومعليش غثيتكم بالخط الكبير بس عشان لاتنسو ! احبكم كلكم ..

المشاركة الأصلية كتبت بواسطة عشقَ البرشاَ حبايب قلبي والله ! طيب نستنى بكرة ايش يسير .. حياة دحين يعني الربوع اروحلهم ؟

الي اليوم راحوا استلموا بطاقاتهم ولله الحمد
انا بإذن الله بكرة رايحة
وعن خبر التأجيل اذا تبي تأجلي انتِ عادي بيأجلولك حتى لو احنا خليناهم يسمحوا لنا بالدوام ،.

روحي بكرة بسرعه وخذي اوراقك قبل لايوقفوا القبول زي العيال *ـ*

ربي ييسر للجميع كل خير : )