[أسير999]

المشاركة الأصلية كتبت بواسطة بندر بن حامد السلام عليكم انا محتار الى الحين هالجامعة لاعبه فينا لعب يا جماعة الخير معد ادري اكمل و الا اسحب الملف ان جينا عند التنظيم من جنبها و ان جينا عند الاختيارات لخبطه و ظلم و ان جينا للكتب مهزلة في التنسيق و السرعه في التوزيع الى يمكن دوبهم خلصوا منها و يمكنم لا انا يجماعه خطه ب الانجليزي اخذت f و الاحصاء dn وبسبب رصدهم لهدرجه و الى الحين على ما هي دون تعديل صرت افكر حتى الى الحين ما سددة الرسوم فا اعونا رايكم و ما خاب من استشار اخوكم / بندر

أخوي بندر بن حامد
اتمنى لك التوفيق واتمنى من كل قلبي انك تكمل
والله الندم ماراح تشوفه اليوم او بكرى
انتظر بعد ثلاث سنوات بتشوف بإذن الله الزملاء اللي معك الان متخرجين وبعدها بتفتح لك كلمة ياليت وبهالوقت ماتنفعك ابد
كمل وتوكل على ربك

واحب اقول لك شغلة اخوي انا افضل انك اي مادة اخذت فيها dn تشيك عليها
تروح تشوف بالاسم لإنك يمكن ماكنت ملون الارقام زين او مخطي في رقم او او او
لذالك حاول تكلم الجامعه وتشوف
لإنه بيني وبينك انا اجتهدت وبعد توفيق من الله عديت جميع المواد بمعدل مرضي
صحيح اني احس اني انظلمت في الانقلش لكن لاتزال الدرجة اللي اخذتها مرضية نوعاً ما
لذالك اخوي انصحك انك تراجع الجامعه وبنفس الوقت تدفع الرسوم وتكمل وتشوف جدولك من الان وابدا فيه على خفيف

انا معك هناك تخبطات كثيره من الجامعه وانظمة غريبة لكن الشكوى لله
حنا كلنا جينا هنا للبحث عن الشهادة تحملها ثلاث سنوات وبتشوف اللي يسرك بإذن الله

والله السنين تمشي بسرعه وماتحس فيها الا اذا راحت عليك