والله مستحيل .. بس بسالكم الحين بالنسبة المركبه لما تقولون قدرات + تحصيلي + نسبة الثانويه
نسبة الثانويه كيف تحسبونها بالضبط
^ على اني باخذ بالقدرات درجه حلوه كلها بالحظ حسبي الله بس
|
اول شيئ مافي شيئ مستحيل ،، المستحيل هذا انتِ خلقتيه لنفسك ..
ومافي شيئ بالحظ .. لأنه الي يجتهد ربي مايضيع تعبه ويشوف نتيجة اجتهاده ،،
(100/50)* ثنوي +( 100/30 ) * قدرات + (100/20 )* تحصيلي
.،.
ما اقولك هالكلام من منطلق مثاليات ونظرة زائدة ،،
بس اقولك هالكلام لاني عشته لحظة بلحظة ..
عادي ماجبتي اول مره نسبة حلو مو مشكلة انتظري سنة وتكوني متفرغة وتجتهدي وتاخذي وقتك من بدري وترجعي تعيدي وتعديدي وتعديدي ،،
انا قدامك ..
وحدة تخرجت 2010 موزونها كان 85 وما انقبلت ،،
ورجعت عادت وصار موزونها 89 وما انقبلت ،،
ورجعت عادت وصار موزونها 91 واهي الحمدلله انقبلت ،،
ماكان في شيئ مستحيل ،، كانت فكرة متعبه بس في بدايتها بس رائعه في نهايتها ،،
اذا عندك حلم وهدف وتبي مستقبل مشرق انسي كلمة المستحيل الي مسيطرة عليكي ،،
ااما ان جلستي متمسكة بها ،، وماتحررتي منها فماراح تتقدمي ،،
كل شيئ ممكن .. ربنا كريم مايضيع تعب لاحد ..
ربي ييسر دربك : )
.،.
اعذريني لو كان اسلوبي جلف وقاسي ،، بس انقهرت عليكي .