والله مستحيل .. بس بسالكم الحين بالنسبة المركبه لما تقولون قدرات + تحصيلي + نسبة الثانويه
نسبة الثانويه كيف تحسبونها بالضبط
^ على اني باخذ بالقدرات درجه حلوه كلها بالحظ حسبي الله بس
|
ايوا هما ياخدو 50% من الثانوي و يجمعوها مع 20% تحصيلي و 30% قدرات
نسبة الثانوية هما يحسبوها لكي يعني اخر السنة بتلاقي النسبة التراكمية مكتوبة فشهادتك : 21:
بس انتي دحين اجتهدي بدراستك و ذاكري اول باول مدامك مو حابة جلسة البيت لازم تحطي دخولك للجامعة هدف قدام عيونك وفكري فيه دايما وفكري كيف لو ماتحقق هدفك وحلمك بدخول الجامعة والسبب ,,, انك ماجبتي نسبة حلوة بسبب اهمالك للمذاكرة و عدم تنظيمك لوقتك
كيف حيكون شعورك وقتها وانتي جالسة بالبيت وغيرك يدرس بالجامعة ومايزيد عنك لا بذكاء ولا بشطارة : 36:
-
بالنسبة للقدرات انا اختبرت اول مرة وجبت 79 و الاختبار التاني جبت 81
طبعا ما قبلوني والسنة هادي جلست عشان اعيدو هو والتحصيلي وجبت فيه 86 وباقي التحصيلي
وانا ضد فكرة انو القدرات حـــــــــــــــــــظ : 73:
لو تدربتي عليه وانا راح اساعدك لو حبيتي بكتب واي شي يخص هالاختبار
راح تجيبي فيه نسبة عالية بعدين انتي نسبتك فيه حلوة مدامك اول مرة تختبري إن شاء الله المرة الجاية ترفعيه
بس حاليا ابغاكي تهتمي بدراستك وتجتهدي عشان اقل شي تجيبي بالثنوي 95% عشانهم ياخدو من الثانوي النسبة الاكبر 50%
ولا تجلسي تقولي ما اقدر حتى لوجلست جنب الكتاب 24ساعة
انتي اللي توهمي نفسك بكدا
حاولي انك تجلسي مع البنات الدافورات في فصلك :) : 63: وتشوفيهم كيف يذاكرو وتحاولي انك تستفيدي منهم وحاولي تكوني مسئولة اكتر وتنسي الاهمال واللعب لانو دي اخر سنة ليكي
وخليكي حاطة هـــدف قدامك "انا ان شاء الله حدرس بالجامعة وادرس مثلا ادارة اعمال " و اكتبيه في ورقمة وخليه دايما قدامك .. ترى الحركة دي راح تديكي دافع وتقوي ارادتك وتلاقي نفسك تلقائيا بالجامعة و يتحقق هدفك بسرعة : 65: