طيب عادي حتى انا متخرجة من قبل العام وما قدرت اسجل فيها بسبب انو اقامتي وجوازي منتهي سنة كاملة وماقدرت اسجل ولا حتى اعيد القدرات لان موزوني 89 ولازم ارفعو فما قدرت ولا حتى سجلت فيها 
بس استنيت سنة وعدت القدرات الشهر الفات وجبت الحمد لله 86
ولا استسلمت وقلت خلاص خليني اسجل انتساب واخد اقصر الطرق لاااا طبعا صبرت سنتين عشان اعيد القدرات واقدر اسجل انتظام
وفي كتيييييير زي عملو كدا : 30:
و لاتخافي انو ماتنقبلي عشانك متخرجة من سنة او سنتين ... بشرط انك ماتكون مر على شهادتك اكتر من 3 سنين : 3:
وترى مايفرقو بينك وبين المتخرجات حقون هالسنة يعني مافي اولوية لاحد كلهم يدخلوا في المنافسة وهما ماراح يُطلوا الا في موزونك : 73:
زي حياة موزونها 91 وهي متخرجة لها سنتين وقبلوها عادي : 1:
يا قلبي بغض النظر عن الظروف اللي كنتي فيها لازم تكوني صامدة وقوية وماتظعفي وتتخلي عن طوحاتك وحاولي دايما تتخطي الظروف اللي تواجهك مهما كانت ..:/
زي منتي شايفة الموضوع هادا كلو ناس صامدة وما تهزهَـــم ريح : 2:
بزات حياة ياقلبي عليها صبرت كتييييير تقريبا 3 سنين ولا استسلمت و لا يوم 
انا عن نفسي بعتبرها قدوتي : 36: : 73:
-
انتي موزونك اعتقد 89.99 ماشاء الله حلوة كتير
بس ليش ماعدتي القدرات حق دي السنة ؟؟؟
وابغى اسئلك انتي علمي ؟؟؟
لان الانتساب راح تكوني اداري حتى لو حولتي انتظام : 53:
|
أنا أدبي .. بس مابيدي شي دحين لازم ادخل انتساب كل الطرق مقفله قدامي
غير اني بدرس سنتين تقريبا بعدين مايمديني اقعد في البلد طول السنة بس حجي وقت الاختبارات
يعني حتى لو انقبلت انتظام ححول انتساب .. متحسفه ع السنة اللي ضيعتها ومادخلت الجامعة
:"""""(
دحين فيه احد ممكن يساعدني ويقولي اقدر ادخل دي السنة ولا خلاص مافي الا السنة الجاية ؟؟؟
وكيف اسجل ؟؟؟