 السلااام عليكم ..
وصباااح الخير ياحلوووين
كبفكم ؟؟ وحشتووووني كولكم :)) ..
ع الفكرة ماشاءالله شفت كتيرين انقبلوا مبروووووك عليهم وعقبال البقية ان شاءالله يارب :* :)) ..
ع العموم ياجماعة من جد محتاااجة مساعدتكم مالي غير الله ثم انتم !!
انا حاحكي لكم عني انا تخرجت تقريبا قبل سنتين وقتها اختبرت قدرات وتحصيلي وما كنت مذاكرة اي شي لاني كنت محطية في بالي ماحاجيب نسبة حلوة ومارح انقبل في الجامعة انتظام المهم اختبرت بدون مذاكرة وجبت التراكمي حقتي 87 والحمدالله فرحت اني جبت نسبة عالية وبنفس الوقت زعلت انوا لو كنت مذاكرة كان يمكن جبت 90 وكنت اقدر ادخل انتظام .. المهم بعدها خلاص قطعت الامل اني ادخل جامعة وماصار فرصة اني اعيد الاختبار السنة اللي راحت ..
المهم ودحين سمعت انوا في جامعة في تركيا ياخدوا نسب عالية بس يعني النسب العالية في المدرسة يكون فوق 90 والقدرات فوق 80 ع الشان كدا دحين ابغى اعيد اختبار واجيب نسبة فوق 80 !!
ع الشان كدا من جد ابغى مساعدتكم اي وحدة اختبرت قدرات وتحصيلي تفيدني من فين ذاكرت واي كتب ذاكرت لانوا انا دحين رميت كل كتب حقة المدرسة كمانا ماني عارفة من فين اذاكر وايش اذاكر :(( انا ضايعة وباقي ع الاختبار شهر !!
اسسسسسسسسسسسفة عارفة طولت عليكم بس
ياريت اي وحدة عندها معلومات تساعدني وتنصحني شو اعمل :(( .. خصوصا الاخت حيـــاة لو تشوف كلامي ياريت ترد وتنصحني باي شيء من جد محتاارة
والله يسهلل لنا ويقدم لنا ماهو خير لنا يارب <3 ..
|
ياهلا .. عليكم السلام و حمة الله وبركاته
اعشق الناس الي ماتتنازل وتتقاعس تبقى تدور عالفرص وماتضيعها .. صدقيني دام عندك هالعزيمة بتوووصلي
مادام بدون مداكرة وصلتي ل87 اكيد بالمذاكرة راح توصلي لاعلى واعلى بإذن الله .. وربنا مايضيع تعب لمجتهد
بالنسبة للمصادر حق المذاكرة .. دامك عندنا لاتشيلي هم ...
اولا كتب المدرسة مرة ماتحتاجيها لانها ماتفيدك ومابيمدي الوقت بها وبتنرعبي ومابتعرفي اش تذاكري والموضوع اسهل من كذا بكثير مرة ..
عندي كل الكتب الي بتحتاجيها للتحصيلي رائز ورام وتحصيل 2 والامثل وتجميعات امتحانات وكل شيئ ...
ونفس الشي بالنسبة للقدرات ..
كمان عندنا في موضوعنا دا اكثر من وحدة بتعيد الاكتحان هبه بيان ملامح صبا كلنا بنفيدك بإذن الله
لاتشيلي هم ..
بس انتظري علي لنهاية الاسبوع اخلص من امتحاناتي عشان اتفرغ لمكتبة القدرات والتحصيلي الي عندي الملف مليااان يباله جلسة ..
نهايةة الاسبوع بإذن الله بارفع لك كل شيئ عندي تحتاجيه ..
اعتذر عالاطاله وردي المتاخر
موووفقه : )