[برايت فيوتشر]

المشاركة الأصلية كتبت بواسطة unknown soul حتى أنا معدلي فوق ال4.5 ولسى منتظر مع إنو في واحد من زملائي في قسم الأي تي جاتو رسالة القبول من الأربعاء اللي فات مع إنو معدلو في ال3. أنا ودي أفهم آلية القبول عندهم كيف؟! مو معقول انتظار الين دحين ونحنا جايبين معدلات كويسة, أبغى أعرف أنا من قائمة المقبولين أو لا؟! واذا كنت موجود في لستة المقبولين حقتهم ليش ما جاتني الرسالة من الربوع اللي فات؟!!! علشان اذا الله ما كتبلي أروح أشوف شركة ثانية قبل ما كل الشركات الكبرى يكتفو بعدد طلاب التدريب الصيفي وتروح علي ذي كمان. أنا التدريب الصيفي عندي اجباري ولازم اتصرف قبل فوات الأوان! أنا كان عندي أمل كبير انها تجيني رسالة القبول باعتباري من أعلى الطلاب في المعدل فعلشان كدا ما حبيت أروح أقدم في شركة ثانية, بس للأسف نظام الشركة فاشل بمعنى الكلمة, اذا ما كانو يقبلو الطلاب على حسب المعدل أجل يقبلوهم عن طريق ايش؟!!! معليش أعذروني على انفعالي, بس رسالة القبول ذي سببتلي الجنون, تخيلو اني كل ما أنام أحلم نفس الحلم! إني جاتني رسالة القبول على جوالي وأول ما أصحى على طول زي المجنون أسحب الجوال وما ألاقي شيء! -___- الله يكتبلنا القبول جميعا والله المستعان.

انا كل اللي اعرفه انه القبول مش على اساس المعدل المره اللي فاتت كان في بنات معدلاتهم مرتفعه وماانقبلوا وبنات معدلاتهم منخفضه وجاهم القبول .. انا اعتقد والله اعلم انه على حسب التخصص وقد ايش هم محتاجين لنفس القسم اللي عندهم .. وانا متذكره بعد انه من جامعتي قبلوا طلاب كثير كلهم معدلاتهم اقل من معدلي بكثير يعني تقريبا مايجول للثلاثه ونص من خمسه
مالكم غير انكم تصبروا لانه حد الان عملية القبول مستمره .. انت عشان ماتضيع فرصة الشركات الباقيه وبماا انه اجباري عندك التدريب قدم في الجهات الثانيه واللي يجيك القبول فيه اول روح له وان شاء الله ربي يكتب لكم اللي فيه الخير ..