 اانا مخلصة التحضيرية في سعود بمعدل 4.71
ودرست سنة علاج طبيعي وابغى ادخل طب في عبدالعزيز
والمواد حقتنا فيزياء= 3 ساعات
احياء=3 ساعات
كيمياء= ساعتين
احصاء = ساعتين
رياضيات = ساعتين
مهارات اتصال = ساعتين
حاسب = 3 ساعات
انقليزي الترم الاول والتاني = 8 ساعات
اخدت في كل المواد بس بلس وفوق ما عدا الفيزيا سي بلس والكيميا دي بلس
ومن شروط كلية الطب انو يكون اقل شي في المواد بي بلس
فلازم اعيد الكيميا والفيزيا صح؟
حتتعادل باقي المواد حتى لو كانت الساعات مختلفة؟
لو اتعادلت كل المواد ماعدا المختلفة في الساعات وما بقيلي الا 5 مواد اقدر اضيف مواد عامة زي السلم والعربي؟
والمواد المعادلة كيف حينحسب المعدل بدونها؟
الاعفاء من الانقليزي بشهادة الايلتس بدرجة 5.5 تاريخ الاختبار 17 ديسمبر 2011
حتنفع ولا لازم اعيدو؟
لو ما اتعادل شي اقدم كطالبة مستجدة ولا كطالبة محولة؟
لو كطالبة مستجدة لازم اعيد اختبار التحصيلي؟
ولو كطالبة محولة لازم اسحب ملفي قبل بداية الدراسة ب 3 شهور؟
ولو قدمت كطالبة محولة ودرست بعض المواد في التحضيري اقدر ادخل طب لو جبت معدل عالي حتى لو كان تخصصي السابق علاج طبيعي؟
الله يعطيك العافية ويدخلك الجنة ويوفقك دنيا واخرة
|
السلام عليكم أختي
في البداية اعذريني على التأخير وكمان اعذريني لو ماجاوبت على كل أسئلتك بس صدقيني سويت اللي اقدر عليه وسألت بس ذاكرتي ماكانت تسعفني بتذكر كل الاسئلة مع اني كتبت اسئلتك بس تعرفي الواحد يرتبك ههههه
المهم معادلة المواد زي ماقلت لك تجي بعد القبول علشان كذا حسب معادلة المواد راح يتحدد كم حتعيدي مادة وفي ترم أو سنة كاملة
الشيء الثاني ملفك ماتسحبيه من الجامعة إلا لما يتم قبولك في عبدالعزيز يعني مش من الشروط سحب ملفك لما يجي قبولك ساعتها اسحبيه
سألت كمان عن انك تقدري تدخلي طب بعد ماتدرسي تحضيري عندهم قالت ماينفع لانك محولة من علاج طبيعي
هذا اللي تذكرته وقتها وسألت عنه
بس أختي لما تجي تحولي وتقدمي طلب تحويل هو راح يبدأ التقديم في شهر 7 فجهزي وصف المقررات حق المواد وبعد مايتم قبولك بإذن الله قدمي على طول معاملة المعادلة وانا لما حولت قالوا لي المواد اللي تتعادل ماتدخل في المعدل فقط مجرد أنه لا يلزمك بإعادتها والله يوفقك أختي يارب اكون افدتك