[فالك التخرج]

الله يبقيك اخوي طارق زميلك فهد الازدي
اسعد الله مساك يمكن ياغالي ما اتضحت لك الصورة باختصار الخلاف عندي ماهو اني ابقى في الحكومة او انتقل للقطاع الخاص لان راح اتخذ قرار نوع الدراسة ونوع التخصص على اساس انتقالي .. الخلاف أولاً : هل ادرس ماستر مالي هذا اذا احد وافق من جامعات امريكا طبعا بناء على شهادة بكالريوس الاداره ((انتساب)) ويدعمه دبلوم المحاسبة حق التقنية .
ثانياً : او اعادل دبلوم المحاسبه واكمل بكالريوس تخصص مالي وبعد كذا يسهل موضوع ماستر المحاسبه اكون اكتسبت لغه يجي في سنه اذا اراد الله.
وانت اخي طارق حطيت يدك على الجرح
(((وقيم نفسك هل ترى بأن هذه الوظائف تلبي طموحاتك ام انها مازالت اقل من ماتصبوا اليه)))
الوظيفة الحكومية مهما وصلت لن تبتعد عن مرتب 20000 الف حتى لو المرتبة الخامسة عشر لاحظ
يعني خسارة التعب والمرمطه والدراسة والغربة وانت عارف ان اقرانك المجتهدين في القطاع الخاص ممكن يوصل لل 20000 في اول عشر سنوات خدمه وفرصة الانطلاقة اقوى من الوظيفة الحكومية لان الجميع سواسيه اهم شي شهاده وهدفي الحقيقه احصل احد يقدر قيمة المجهود ما ابي اصير مدير هدفي مادي بحت وبالمناسبه حسب مافهمت القطاع الخاص مايبغى خريج دكتوراه يبغى ناس فاهمين وغير مكلفين بقدر الامكان يعني ماستر استشمار او تمويل الدكتوره اصلح للاكاديميين في الجامعات والوظائف القيادية في المستقبل البعيد يعني بدري عليها واخيراً ((العمر)) انت تقول 38 كلامك جميل لكن وقتها عندي خدمه سابقه سبع سنوات امين صندوق وخدمه اجماليه 10 سنوات وموضوع الماستر ما يؤرقني كثير امره هين يجي إن شاء الله قبل الاربعين ننقز بريطانيا الشكوى على الله اهم شي تكون الخطة مدروسة والراي لك اخي طارق المعذرة على الإطالة .. تحياتي