[adnans]

المشاركة الأصلية كتبت بواسطة باور هورس حبيبي القطاع الخاص يبغا فلوس اذا انته تعرف تجيب لهم فلوس يبغوك لو ما معاك الا ابتدائي واكبر دليل سليمان الراجحي أمي والشركات تدور عليه يتمنو يمسك مجلس الادارة بالنسبة للرواتب الشركات تديك على قد شغلك مو زي الحكومة الراتب حسب المؤهل والخدمة واعرف واحد معاه ثانوي كان شغال ب 3000 جلس سنتين وقدم استقالة صاحب العمل قال يعطيك 6 ورفض اشتغل في مكان ثاني براتب 10000 جلس عندهم ممكن 5 سنوات وقدم استقالة واشتغل في مكان ثاني ب 17 الف من اربع سنوات تقريبا و الى الآن الحين راتبه 25 الف عمره اقل من 35 سنة والأمثلة كثيرررر الشيء الثاني الشركات ممكن تديك حسب الجنسية فيه اثنين هنود شغالين في شركة لتحلية المياه كلهم مهندسين ونفس المؤهلات ونفس كل شيء الفرق ان واحد منهم عنده جنسية بريطانية فصارت الشركة تهايط فيه انه عندنا مدير بريطاني اللي معاه الجنسية راتبه 120 الف والثاني راتبه 30 الف القطاع الخاص راتبك حسب شغلك وجنسيتك الشغل عشان تجيب لهم فلوس وتمشي الشغل الجنسية عشان الهياط

حبيب قلبي أنت ترى اللي يكلمك لف الشركات كل أبوها ما أهايط بس حبيت أنقل لك خبره باذن الله تتخرج تفهم الوضع أكثر .. بالنسبه لسليمان الراجحي هو مو من دفعة 10 يخوي هههه ذا زماااان أذكر اللي معاه أولى ابتدائي يقدموه فالمجالس .. الحين الوضع تغير 100 فالميه شوف الراجحي ظروف زمانه تختلف كليا عننا وفوقها ياخي ممكن ربي يوفق انسان لا يقرى ولا يكتب عاد ربك الرزاق لكن دامك تكلمني وأحنا ندرس جامعه وتبني لنفسك خطه علميه الاعتماد هذا المفروض يكون أولويه لك ولو على كلامك شغل وانتاج كان منت معي فالجامعه يا طيب هههههه أترك عنك بس كلنا ندرس لخاطر ربك يرفعنا فالدنيا والآخره أن شاء الله بعدين لو أنت حاط فبالك أن الراجحي أحسن مننا تراك غلطان الراجحي أخذ خبره عن الشغل واجتهد لكن احنا باذن الله راح ناخذ خبره لين نتوظف وفوقها عندنا علم والمام ومهارات وابتكارات تتعدى الراجحي وزمانه كله فمو أنا اللي أسقف قدراتي على أحد بعينه أعطي نفسك المكانه اللي تستحقها يخوي ..
بعدين قلتلك أنا راح أقتنع بكلامك فحاله وحده أن أنت تركت الجامعه ورحت ورى اللي عمره أقل من 35 وراتبه بالمبالغ اللي ذكرتها ما أكذب كلامك بس لو هالكلام أنت مقتنع فيه كان تركت الجامعه وأشتغلت بدال ما تضيع وقتك أعتقد كلامي منطقي يا طيب

أقلك قاعده أساسيه للشغل : أعرف أنه بيد ربك ثم أطلب من ربك يوفقك ثم حتكون عندك شهادات فايدتها هي عنوان لك وواجهتك عند الناس وين ما رحت وأني لو كرشتني شركه ما أبكي وألقى عشرين شركه بدالها ثم حتشتغل وتفتح مخك وحتاخذ خبرات من خلال ممارستك وتسوي مشاريع صغيره مع أخوانك أو أصدقاءك ويمشي شغلك بس مو أقل ولا أكثر