تجمع المتقدمات لوظيفة معيد ومحاضر بكلية الاقتصاد المنزلي
قبل فترة طلبوا معيدة لقسم الفنون الاسلامية ومحاضرة وبعدها طلبوا معيدة في قسم الملابس والنسيج ومحاضرة لقسم الملابس والنسيج
حاليا عملو المقابلة للكل عدا محاضري قسم الملابس والنسيج مددوا التقديم فيها إلى شوال اعتقد .. لا اعرف ما السبب ربما لم تكن المتقدمات كثير ؟ أو ينتظرن خريجات الفصل الحالي.. ؟
عموما حابين تفيد بعض هنا بكل المعلومات اللي قدموا في الفنون الإسلامية يكتبوا ايش سألوهم وهل عينوا احد وكم استغرقت مدة التغيين واللي قدموا في معيدية الملابس كذلك
وأرجو التعاون من الاخوات الله يجزاكم الخير..
بالنسبة ليا قدمت على وظيفة معيد قسم الملابس والنسيج وعملت المقابلة يوم 1434/5/27
دحين مر شهر وأسبوع ولا في أي خبر هل يا ترى عينوا أحد ومتى تتوقعوا راح تتطلع النتائج تعببببت من الانتظار اللي يحرق الاعصاب والله المستعان..
في وحدة عندها خبر واللي قد اتعينت معيدة في جامعة الملك عبد العزيز تفيدنا كم تستغرق المدة بين المقابلة والنتائج .. ؟؟
بليييييز ردوا الله يخليكم
أتمنى تفيدوني
وشكرا
و حبيت أكتب كمان تجربتي في المقابلة الشخصية قبل ما أنساها..
نحن المرشحات كان عددنا 29 مقسمات على يومين للمقابلة الشخصية..
الشروط كانت :
- التوفل أو بديل التوفل الدرجة المطلوبة في الاستيب اقل شئ 52 وهي تعادل 400 في التوفل.
- دورات حاسب آلي
- أنشطة علمية ( سألتهم عن الأنشطة العلمية قالوا يعني أي نشاط نفذتيه أو قمتي بيه بعد مرحلة البكالوريوس)
- ملف الأعمال (بما أننا مهني طلبوا مننا نصور أعمالنا ونطبعها اللي عملناها خلال الدراسة أو بعدها)
ويوم تسليم الملف قالت الموظفة لازم تسلموا سيرة ذاتية مع أنها ما كانت مكتوبة في الإعلان ..
نجي ليوم المقابلة إحنا كنا 29 مقسمين على يومين على حسب تسليم الملفات يعني اللي سلموا ملفاتهم بدري كانوا في اليوم الأول والنص الثاني في اليوم الذي يليه.
ويوم المقابلة وزعوا أرقام كمان على حسب اللي يجئ بدري وحطونا في غرفة للانتظار ولما صارت الساعة 9 بدأوا ينادوا اللي رقمها واحد واللي رقمها اثنين تكون مستعدة.. جالسة قريب..
بالنسبة لأسئلة المقابلة سألوني :
أول شئ عرفي بنفسك ..
ومن خلال تعريفي بنفسي تشعبت الأسئلة ..
طبعا في التعريف بالنفس تقولي كل شئ مكتوب في السيرة الذاتية خليكي حافظتها تمام واتدربي عليها أكثر من مرة عشان ما ترتبكي وحلو لو احد سوالك بروفة
كانت اللجنة عبارة عن 4 دكتورات من بينهم (د.مها دباغ ود. إيمان عبد القادر و د. نهلة قهوجي)
الصراحة كانوا قمة في الأخلاق يعني ما استخدموا أسلوب الاستفزاز المتعمد في بعض الجامعات.. وتحسي بالراحة وانتي تتكلمي.. أهم شئ تكوني واثقة..
وبعد التعريف بالنفس سألوا معظمنا ايش ممكن تقدمي للقسم يعني كيف تطوريه؟ وفي وحدة كانت من خارج جدة فسألوها كيف ممكن تجئ للجامعة وهل حتسكني في جدة ولا حتكوني رايحة جايية يومياً ؟
ومن الاسئلة كمان ايش سلبياتك وايجابياتك؟
ليش اخترتي جامعة الملك عبد العزيز بالذات للتعيين فيها؟
ايش الشي المميز فيكي عشان يخلينا نختارك معيدة؟
هل انتي مارستي الخياطة بعد التخرج؟
هل عمرك خيطتي لنفسك؟
تقريبا هذا اللي يحضرني
والله يوفقنا جميعاً
بانتظاااااااركن
|