[أرنو للقياه]

Loveless
أغرقتيني بدعواتك الجميلة يا جميلة : )
شكري موصول لك



اجمل انسانه 23
وعليكم السلام ورحمة الله وبركاته
بالنسبة لاستفسارك عن الإجابة المثالية لسؤال:
كيف راح توفّقي بين البيت والعمل؟
فأظن المواقع الأجنبية اللي تطرح دايما أسئلة المقابلات، تحط لها أجوبة مثالية تساعد المتقدمين على الخروج من مأزق السؤال
أتذكر مرة زي كدا كان عندي مقابلة بالإنجليزي، فجلست أبحث عن أسئلة المقابلات بالإنجليزي وأجوبتها، وكانت جدا مفيدة
أما على الصعيد الشخصي، فراح أقللك الإجابة اللي خطرت ببالي، وقد تكون صحيحة وقد تكون خاطئة
يمكن في دا السؤال بالذات حبتعد عن النظريات والفلسفة، لأنه أي وحدة أكيد حتقول إني أقدر أوفّق بين البيت والعمل وإني وإني
لذلك يمكن إجابتي حتكون كالتالي:
أول ما تسألني حقول: ذكرتيني بالموقف الفلاني اللي كذا وكذا
وأشرح موقف اتعرضت فيه للتوفيق بين البيت والعمل وكيف كنت في قمة الإنجاز بالجانبين
طبعا انتِ فكري بموقف مسبقا من حياتك عشان تقوليه، بس حاولي كمان في هذا الموقف ما يبان إنه عندك أعباء كثيرة بالبيت
وبكدا كانت إجابتك واقعية عملية أكثر منها فلسفية نظرية
هذي وجهة نظر شخصية، والله أعلم بالصواب



sewar
وجزاك ربي بكل خير
مثل ما ذكرت سابقا: بعض البنات يقدموا من دون إعلان، والبعض الآخر ينتظر الإعلان
بالنسبة لي لما شفت الإعلان قدمت


..SusHi..
وعليكم السلام ورحمة الله وبركاته

عندي سؤال هل لازم يكون شرط القبول للإعادة 4.5 ومافوق إذا أقل من 4.5 مايقبل ؟ بغض النظر عن الدورات وما إلى ذلك

يمكن لجنة القبول تقدر تفيدك أكثر في هذا الجانب
بس هم في الإعلان ما يشترطوا 4.5
وكم مرة سمعت إنه فيه أشخاص انقبلوا وهم جيد جدا

أيضا ايش الأفضل التقديم على معيدة أم إكمال الماجستير ؟

الأفضل بالنسبة لي ممكن ما يكون الأفضل بالنسبة لك أو الأفضل بالنسبة للجامعة اللي قدمتِ فيها
لكن بصفة عامة: قدمي على معيدة، وخلال هذا الوقت ابدئي بإجراءات الماجستير
لأنه في جميع الأحوال لما حتتعيني معيدة حيطلبوا منك تكملي ماجستير



.