بالنسبة الباينوميال دستربشن..
اول مثال في كتاب الجامعه
في البداية يحل المثال بطريقة السامبل سبيس ثم يحلها بطريقة الباينوميال.. حققنا الاربع شروط
لكن ماعرفت كيف عوض في القانون صار
وايش فايدة علامة التعجب
وبالنسبة لشابتر 7
اول مثال الي مطلوب فيه 6 اشياء
لما يطلع الناتج النهائي مثلا
P(z<2.5) كيف حولها الي 0.9938؟
|
هو تعويضه بالقانون بطريقه الباينوميال معقده , لكن انت ماعليك منها
أنت عوض بالقانون بس ..
ولما يجيك سؤال زي كذا أهم شي تطلعه من السؤال الـ x و الـ n والـ p
والـ q رح تطلعه لما تطلع الـ p بهذي الطريقه [ 1 ناقص الـ p ]
وتجي تعوض بالقانون بشكل بسيط جدا بالآله الحاسبه ,
وطريقتها ,, حط رقم الـ n بعدين shift ثم علامه القسمه , ورح يطلع لك C , بعدين اكتب الـ x وحط ضرب , وحط الـ P^x ضرب الـ q^n-x
وبيطلع لك الحل ^_^
هذي حاله وحده في الباينوميال , الحاله الثانيه اللي هي معقده أغلب الطلاب وهي سهله ..
اللي هي لما يجيك الـx بالسؤال على الاقل أو على الأكثر أو أعلى من أو أقل من
ف طريقه حله بسيطه , شوف صفحة 77 آخر مثال .. كان مكتوب بالسؤال at least 3
يعني على الأقل 3 , يعني الإحتمالية 3 أو 4 أو 5 .. لين ما نوصل لـ n هو يكون آخر حد لـ x
لأن آكبر قيمه لـ x لما توصل لمثل عدد الـ n
وتجي الحين تسوي 3 معادلات ونفس طريقه الحل اللي وضحتها لك فوق .. لكن مرّه تحط القيمه الأكس ب3 ومره تحطها 4 ومره 5 .. بعدين تجمع نواتج الـ3 معادلات وبيطلع لك الحل
أتمنى وضحت لك
-----------
بخصوص شابتر 7 الصورة ما فتحت معي , لكن شوف ياطويل العمر
الحين القانون العام لـ z هو x-u/o .. الحين لما تجينا معادله مثل المثال اللي بصفحه 84
نحول الـ x لـ z
يعني الحين بالمثال اللي بصفحه 84 يقول أوجد الإحتمالية لعائله دخلها أقل من 2550
" الدخل " هو الأكس , وهو يقول اللي دخلها أقل من 2550
يعني يصير شكل الأكس كذا x<2500 وبما أن الأكس أصغر , يصير نحل المعادله بشكل عادي نحولها لقانون الـ z ونعوض بالمعطيات
يصير الحل 2550-1800 / 300 .. الحل 2.5 , لكن كذا ما أنتهت المسأله .. للحين ما أوجدنا الـ z يبقى لنا خطوه أخيره وهي نفك الجداول بصفحه 100 " للاعداد الموجبه " مثل اللي طلع لنا " 2.5 " وصفحة 99 " للأعداد السالبة "
نجي نشوف العمود الي على اليسار بصفحه 100 ندور 2.5 , بعدين ندور بالصف الأول , لكن ما نقدر ندور بالصف الأول ! لأننا عندنا 2.5 , والمفروض عشان نطلع قيمه z من الجدول أن يكون عندنا الناتج زي كذا a.bc , عشان كذا نزيد 0 بعد الـ 5 , يصير عندنا 2.50 ، الحين نرجع للجدول ونشوف الصف الأول وندور .00 .. ونشوف الحين تقاطع الصف الأول مع العمود الأول ,, رح يكون 0.9938 .. وهذا هو الحل النهائي
ملاحظه بخصوص الجدول : الجدول بالعمود اللي اليسار يطلب الـ a.b والصف الأول يطلب الـ 0.0C .. وبعدين نشوف وين يتقاطعون , وتقاطعهم هو الحل
----
هذي الحاله الأولى ,, الحاله الثانيه لما يكون الـ x أكبر مثل بالفقره الثالثه اللي بالمثال
x>2400 , وقتها نحل المعادله بشكل طبيعي ونوجد التقاطع مثل اللي فوق , ونطلع الحل النهائي ونعتبر مثلاً أن هذا الحل النهائي 0.9938 .. بعد كذا نكتب [ 1 ناقص 0.9938 ] وبيطلع لنا الحل -_-" هذي في حاله الـ x أكبر
----
الحاله الثالثه هي لما يعطينا 2 x , وطريقه حلها بسيطة كمان ..
عندنا بالمثال اللي بنفس الصفحه يقول الدخل لعائله بين 1650 و 2250
يصير الـ x كذا 2550>أكس>1650 .. العدد الصغير تحطه باليسار والكبير باليمين
وتوجد كل وحده على حدا , يعني أعتبر أنها معادلتين , تصير كذا x<2550 و x<1650
ويوم توجد الحل النهائي " اللي من الجدول " للأثنين .. تطرح ناتج الكبير من الصغير , أي ناتج " 2550 " طرح ناتج " 1650 " وبيطلع لك الحل النهائي
أتمنى أنها وضحت لك ..