[أرق]

المشاركة الأصلية كتبت بواسطة nour al3mr و عليكم السـلآم و رحمة الله و بركـآته الله يسعدك أتوقع دآئمًا أنه في أي تخصص في صعوبـآت لا تنتهي لو دخلت قسم الإدارة العامة و تابعت معاهم رآح تلاقي اللي يذم و يشتكي و يتحسب على بعض الدكاترة و في اللي يشيل المواد بالمرات و يعيدها و بتلاقي اللي اتحطم من وضعه و معدله و بتلاقي اللي أتخرج و بشر زملائه المغزى أنه كل تخصص فيه صعوبة المهم أنك تعرف أنتَ أيش تبغى بالضبط و فين تشوف نفسك و طموحك و اللي تسعى أنك تحققه و توصل له لأنك بمجرد معرفتك الجلية لذلك راح يكون هالشيء كفيـل أنه يخليك تصر و تكمل دون أي تخبط أو تردد أو ندم بأنك دخلت التخصص أو أنك ما حولت الموآد بتخصصنا متفاوتة ما بين متوسطة إلى صعبة و ما أعتقد في أي مادة سهلة تمامًا لأنه بمجرد المذاكـرة و التركيز كل صعب بيكون سهل لكن كل سهل راح يكون صعب في حال ما أعطيت حقها بالمذاكـرة أعرف الدكتور قبل المـآدة .. نوع بين موآدك بالجدول .. قسم موآدك في كل ترم بشكل صحيح و مدروس تابع مع زملائك و الأمور الصعبة أتعاون فيها مع الإخوة لأنهم مثال رآئع في التعاون ما شاء الله و راح تتخرج على خيـر بإذن لله و أنتَ كسبان معرفة ناس من كنوز الدنيـآ طول ما درست تخصصنا أغلب المواد كانت الأسئلة من خارج الكتاب لأن الهدف من الكتاب يعلمنا الأساسيـآت لكن الإختبار يكون في المراجع و خلفية الطالبة باللغة فأول مرة بتشوفوه صعب لكن بعدها تتعودوا و ما بيصير إن شاء الله هالشيء لأنه عادة يكون بمواد البيسك بالنسبة لأسئلتك : تخصصات الإنتسـآب مؤخـرًا اختلفت و صار من ضمنها فقط كم تخصص من كلية الآداب أما الإدارة و الإقتصاد ألغيت .. لكنهم لما راجعوهم بعض الطلاب لقيوا أنه في مجال للتخصص بالتخصصات الغير مذكورة إن حولت لأي تخصص فتنحسب لك الساعات اللي درستهـآ أكيـد المواد العامة تعادل + مواد التخصص اللي درستها تعادل على أنها مواد حرة بالتالي ما يلزمك تدرس موآد حرة اللي راح يبقى لك في حال حولت للإدارة العامة أنك تدرس مواد التخصص الأساسية + المواد الإختيارية ( لأنها إجبارية في خطتهم ) + المتبقي من المواد العامة ( في حال بقي لك ثقافة و عربي ) و الله يرشدك للخيـــر و ما فيه صلاح لك

+

عين العقل وكلام محفز ومريح وفقك الله أختنا الغالية ..