السلام عليكم ورحمة الله وبركاته
قبل فترة غير طويلة كنت احس انو....
"طلاب كلية العلوم غير موجودين بالخدمة مؤقتا"
احس انو منتدى كلية العلوم نايم او مهجور
امكن عشان مرة كتبت موضوع كان اول رد فيه بعد عدة اسابيع
امكن شهر!!
المهم جاتني فكرة اني افتح هذا الموضوع
اذا ممكن كل طلاب وطالبات كلية العلوم اللي بيشاركوا في جميع انحاء المنتدى
يتفضلوا هنا ويشرفونا بمعرفتهم
يعني كل واحد يكتب في اي مستوى هو وايش تخصصوا
واي شي يحب يكتبه عن نفسه او شي يجي على باله
حتى نعرف عدد طلاب كلية العلوم الموجودين بالمنتدى
واذا كان في احد منهم اصلا؟
واذا في احد يبغى يسأل عن شي يعرف يسأل مين؟
اما بالنسبة للاعضاء اللي مايحبوا ينسألوا عن شي ويلاقوا ازعاج
فهم غير ملزمين ابداً بمساعدة احد اوالرد على اي ازعاجات
لكن رجاءً شاركوا بهذا الموضوع
ولكم مني شكر مقدماً
رح ابدأ بنفسي:
ice girl
المستوى الثالث
تخصص رياضيات(مؤقت)
انا حاليا بانتظر ينزل اسمي في تخصص علوم الحاسب علما بان الاسماء لسة مانزلت..(دعواتكم)
اذا في احد يبغى يسألني عن اي شي او حتى ينتقدني
عندكم الخاص وانا رح اتقبل كل شي بصدر رحب
وان شاء الله مافي في قلبي مكان للكره او الحقد او اعتبار الاهانات
لأني احب اني اكون انسانة ايجابية