رد: لـمـاذا أخترت هـذا التـخـصص؟
لماذا اخترت تخصصك؟
تخصصي هو الطب إذا كتب الله لي نصيب فيه ,
وليش اخترته لأنه تقريبا الوظيفة الأعلى اللي شخص في السعودية يقدر يوصلها ,
وأنا شخص طموح لدرجة إني أبغى أوصل 33 بالكثير وأنا استشاري ولدرجة إني مخطط وش بسوي وكيف بسوي ومتى بدرس ووين بأدرس وأشياء كثيرة ,
والطب ما يخفى على أحد بأنه مهنة شريفة ولها أجر كبير مما فيه من مساعدة الناس وتخفيف الامهم وأنا شخص أعشق جسم الإنسان وتفاصيله ,
وبعضهم يكره الطب لأنه صعب أو مثل ما يقولون تعرف تحفظ ادخل طب ! مفهوم خاطئ ويمكن كثير مثلي رغبتهم طب ,
وحلمهم البالطو الأبيض زيي خخخخخ بس كل يوم يتحطموا الطب صعب الطب حفظ الطب والطب الخ ...
يآ أخي أنا داخل برغبتي 100% ليش تحطمني ,
وأنا فاهم ومستوعب ومدرك بأن بيجي اليوم اللي بأندم فيه على خياري ذا لكن لازم أصبر وأحتسب الأجر واجتهد وأحقق طموحي وحلم حياتي ,
وخصوصا الطب من أشرف المهن وأفضلها وأي واحد يتمنى يكون طبيب !
هل كان رغبة منك او تدخل خارجي ؟
صراحة ما تسمى تدخل بقدر ماهي نصيحة وتقدر تقول إن الوالد والوالدة وأخوي وأقاربي حمسوني كثير للفكرة ,
وأنا إنسان كما أسلفت سابقا أعشق معرفة جسم الإنسان وكيف خلق وكيف الأشياء داخل الجسم وهكذا
ماذا تعرف عن تخصصك ؟ او الكليه ؟
تقدر تقول 70% أعرف كل شيء لكن مع الوقت كل شيء يبان
هل تعتقد انك ممكن انك تبدع في تخصصك؟
هذا شيء معلق بيد الله ومشيئته فإن ربي كاتب النجاح بأنجح وإن كتب لي العكس فالحمدلله على كل حال ,
ولكن على الشخص يجتهد ويآخذ بالأسباب ولكل مجتهد نصيب ,
ولا ننسى المقولة هذي " كاد علم الأبدان أن يوازي علم الأديان "
والله يكتب لنا الخير وييسر لنا ويحقق لكل شخص منا رغبته
كل الشكر لك أخوي ...
|