[ططال عمري]

س\ هل السنة الاولى من الهندسة اصعب من التحضيري بقليل ولا الفرق شاسع جدا
المسألة ماهي بالصعوبة أبد , باقولك الفرق ,
بالسنة التحضيرية كنت تدرس مواد و دروس سبق ان درستها بالثانوية , بالتالي بتشوفها ماهي صعبة لأن عندك معلومات سابقة أصلا ,
لكن بالسنة الاولى من الهندسة , تدرس مواد جديدة و ما مرت عليك , بس ماهي صعبة أبد أبد ,
كل شيء بالمذاكرة الاسبوعية ما اقولك اليومية , و طبعا الاستعانة بالله أمورك في السسسليم = )

س\ هل السنة الاولى فيه مواد مقدور نجيب فيها a+ مثل الاحصاء والاتصال بالتحضيري واذا نعم يفضل ذكرها
ايه تقدر ليش لأ ؟
مافي شيء مستحيل طبعا ,
عند مادة الاقتصاد الهندسي , سهلة جداً كمنهج , لكن بأسئلة الاختبارات لك عليها شوي , " المشكلة تكمن بوقت الاختبار بالنسبة للاسئلة مو بتعقيد الاسئلة "
و عندك مادة اسمها IE 200 عبارة عن بحث تختاره و تكتب عنه طول الترم بدون اختبارات ,
سهل انك تجيب فيها a+ بمجرد تكتب المطلوب و تسلمه بالوقت المعين =)

س\ هل السنة الاولى اقدر ارفع المعدل فيها ولا شبه مستحيل وهل عدد الطلاب الحاصلين على فوق 4.75 كثير مثل التحضيري او ينعدوا على الاصابع
ما احد يعرف ايش هي معدلات الطلاب كلهم !!
بس انا اقولك خلك بمعدلك و حاول انك ترفعه و تراه شيء مو مستحيل أبد ,
عندك أنا قلت بادخل الهندسة و انا متأكد ان معدلي بينخسف و الله يعين ,
شفت الوضع سهل و غير اللي يقولون صعب و معقد و مادري ايش!!
و الحمدلله رفعته بس بشيء بسيط , بس المهم ما نزل زي ما سمعت كمهم و أكدت على نفسي انه بينزل =)

س\ هل ماث 202 وفيزياء 202 والرسم الهندسي وie200 مواد صعبه جدا وما احد يجيب فيها a من الدفعه كما سمعنا ولا كلام لان بعض الدكاتره يقولون ماث 202 مقبرة الجامعه وكذا
طبععععععععععا كلام ,
الماث 202 صح انها صعبة ما اقولك لأ , بس ماهي لدرجة انهم يسمونها بهالاسم!
أعرف طلاب شخصيا جابوا بهالمواد a+ و a يعني شيء مو مستحيل!
لا تاخذ كلام من شخص ما يذاكر او داخل بعباطة!!
خذ كلام واحد يذاكر و مهتم بالشيء اللي يدرسه =)
أنا شخصيا جبت a+ بالـ ie200 و الحمدلله ,
توكل على الله + اجتهد و ذاكر اسبوعيا ما اقولك يوميا , بتشوف معدلك يرتفع باذن الله = )

س\ صنف المواد من حيث الصعوبة الى (صعبة ,متوسطة,سهلة) وهل فعلا المواد اللي لها نفس الرقم يكون موعد اختباراتها قريبه جدا من بعض
ما عندي معلومة عن ان الاختبارات تكون قريبة من بعض اذا لها نفس الرقم !!
ان شاء الله غيري يفيدك = )

ان شاء الله بس أخلص الترم الصيفي , رآح أكتب تجربتي بهالسنة و طبيعة المواد و أفضل الدكاترة ,
و منها بتعرف ان شاء الله الصعب من السهل =)


بالتوفيق ",