[AbsolutioN]

س\ هل السنة الاولى من الهندسة اصعب من التحضيري بقليل ولا الفرق شاسع جدا

اصعب و لكن مقدور عليها و محتاجه منك مجهود اكبر من المجهود اللي كنت تبذله في السنه التحضيرية

س\ هل السنة الاولى فيه مواد مقدور نجيب فيها a+ مثل الاحصاء والاتصال بالتحضيري واذا نعم يفضل ذكرها

1- المعامل (معمل الكيمياء و الفيزياء )الـ a+ بالراحة تقدر تجيبها
2- المواد العامة (الثقافة و العربي) الثقافه سهله الـ a+ اما العربي يعتمد عليك ولكن مهي صعبه اذا كنت قوي في العربي ايام الثانوي
3- مادة التصميم الهندسي (ie201) المادة مهي صعبه ولكن تاخذ من وقتك و تقدر بالراحه لو شديت حيلك و كان عندك تيم ممتاز انك تجيب اقل شي B+ و بالراحه تقدر تجيب اكثر
4- الإقتصاد الهندسي (IE255) المادة سهله و تقدر تجيب فيها A و أكثر
5- الرسم الهندسي (MENG102) المادة سهله و الأ، سارت اسهل من ايام ما انا اخذتها لانه الجزء اليدوي اتلغى و لكن المادة تحتاج الى قوة تخيل كويسة + تمرين كثير على البرنامج لو قدرت تحقق الشيئين هذي اتوقع تتقدر تجيب الـ A او اكثر
باقي المواد لو شديت حالك تقدر تجيب فيها من B الى +A و كلها تعتمد على مستواك و شطارتك

س\ هل السنة الاولى اقدر ارفع المعدل فيها ولا شبه مستحيل وهل عدد الطلاب الحاصلين على فوق 4.75 كثير مثل التحضيري او ينعدوا على الاصابع

تقدر لو شديت حالك و خاصه ان الأن كل شيء متوفر لكم من ملخصات و حلول و كل شيء و عدد الطلاب كثير اللي معدلاتهم فوق الـ 4.75 بس لا تشيل هم اهم شيء شد حيلك

س\ هل ماث 202 وفيزياء 202 والرسم الهندسي وie200 مواد صعبه جدا وما احد يجيب فيها a من الدفعه كما سمعنا ولا كلام لان بعض الدكاتره يقولون ماث 202 مقبرة الجامعه وكذا

- ماث 202 بصراحه اصعب مستوى ماث لانه كله تكاملات و إشتقاق تاخذ كل طرق التكامل و بكل الأشكال و نفس الشيء للإشتقاق ولكن اذا كنت تذاكر اول بأول و كنت فاهم المادة كويس و فاهم طريقة الحل (وليس حافظ للحل) تقدر تجيب فيها درجه ممتازة و تجيب فيها الـ A+

- الفيزياء المادة مو صعبه زي الماث ولكن عيبها المنهج كبير و عدد القوانين كبير جدا و هذي هي صعوبة المادة و لكن انصحك بأوراق اشرف بركات حتسهلك المادة كثير و تقدر تجيب فيها B+ كأقل درجه لو شديت حيلك شوية بس اما لو اهتميت تقدر تجيب فيها درجه اعلى

- IE200 نظام المادة حاليا اختلف عن السابق تماما و كانت سابقا مادتين IE203 و IE204 و انا اخذتها وقت ما كانت مادتين فللأسف ما اقدر افيدك كثير فيها لانه النظام اختلف تماما ان شاء الله الشباب يساعدوك

- الرسم الهندسي موضحه فوق

و في كل المواد اللي ذكرتها اعرف ناس شخصيا و سمعت عن ناس كثير جايبين فيها A+ فمافي شيء مستحيل و عددهم مو قليل عشين حتى نقول نادرا ان احد يقدر يجيبها

س\ صنف المواد من حيث الصعوبة الى (صعبة ,متوسطة,سهلة) وهل فعلا المواد اللي لها نفس الرقم يكون موعد اختباراتها قريبه جدا من بعض

التصنيف يختلف من شخص لشخص و على حسب طبيعة الشخص و قدراته انا بصنف المواد من وجهة نظري الشخصية
مهارات لغوية (1) - متوسطه
البرمجة الحسابية المهيكلة - متوسطه
مهارات الإ تصال التقنية - متوسطة
تفاضل وتكامل (2) - صعبه
الرسم الهندسي - سهلة
معمل فيزياء عامة - سهلة
معمل كيمياء عامة - سهلة
مقدمة في التصميم الهندسي (1) - متوسطه
الإ قتصاد الهندسي - سهلة
الثقافة الإسلامية (1) - سهلة
تفاضل وتكامل (3) - متوسطة
فيزياء عامة (2) - متوسطة

المواعيد لو التزمت بنفس الخطه حيكون تقريبا بين كل إختبار و إختبار يومين تقريبا او ممكن اكثر انت لا تشيل هم الإختبار الأن و ركز على الدراسة و شيل همها وقت ما تجي ^^

وفي النهاية هذا موضوع من احد الأخوان بالمنتدى حيفيدك بكل شيء عن السنه الأولى و خاصه عن طبيعة المواد

http://www.skaau.com/vb/showthread.php?t=593693

بالتوفيق لك و لجميع المهندسين