[υикиσωи]

المشاركة الأصلية كتبت بواسطة مَـزٍآج ..}.. السسسلام عليكوووم .. عندي طلب بسسيـط .. ياليت الي فاهم التدويـن العلمـي يعطينا فكـره عامـه عنـهـ .. الي هـو > n اس nx10 > دايم يفحط عند الاشياء التافهه ..انا فاهمه بس احس اني مو متمكن منـهـ !! يآليت الي عنده تآيم يعطينا فكـره وشويه امثلهـ ،،

وعليكم السلام والرحمة ...

اممم ..اول شي دا نستخدموو عشان الرقم مرااا كبير اوووو مرااااا صغير (بفوصل يعني )

طيب زي ما انتا قلت حقتو الصيغة ..N×10^n

N=حيكون دائما بين الواحد والعشرة ... يعني واحد وانتا ماشي لحد قبل العشرة ..
يعني بالعربي رقم واحد قبل الفاصلة ... بس طبع ما يكون صفر <<
مسلا زي 1.45 او 4,84 بسس ما بكون 0.34 ولا 10.34 ولا 45.33

طيب الــn هوا الاس ... حيكون رقم صحيح سواء سالب او موجب ...حيحدد دا الرقم عدد الخانات اللي مشيناها
ازا مشينا ع اليمين بالفاصلة حيكون سالب
وازا مشينا الفاصلة لليسار حيكون موجب



طيب مسلا ازا جاااانا الرقم 0.0034755453434
ايش حنسيبووو ...
اول شي نسوي الــN ... حتكون 3.48 ( قربنا ال7 لــ8 انتا عارف ليش طبعا ... )
بعدين نعد كم خانة مشينا من بعد الفااصلة ... 3 خانات لليمين ..يعني سالب
ازن ...n حيكون -3

يعني الرقم حيسير ... 3.48 × 10^-3





طيب لو اخدنا مثال عالعكس ...عدد كبير ... 94392343322374.4543
الــ N حناخدو 9.44 ( نفس الشي قربنا التلاتة لاربعة ...وبرضو انتا عارف السبب ... )
ونشوف كم خانة حركنا الفاصلة ... حركناااهااا لليسار ( يعني موجب ) و13 خانة
يعي سار العدد 9.44 ×10 ^13


اتمنى تكون فهمت على شرحي اللي مدري كيف ...