[{ فيفو ~]

شوفي ياحلوة الأفضل تمشي عالخطة من ناحية مواد الإحصاء ولا بعدين حتصير إضافة المواد هم .. من سابق تجربة يعني
بس عندك المواد اللي من خارج كليتك تقدرين تاخذينها متى ماتبين زي مواد كلية الحاسب والثقافة والعربي والمواد الحرة
أما المواد الاختيارية على حسب ماينزلك في الأودس
بعدين شوفي لمن تمشين عالخطة مايصير في تعارض في أوقات اختباراتك يعني مايجيكي اختبارين في نفس اليوم
أما إذا بتضيفين وتحذفين بدون ماتمشي كليا عالخطة ممكن يصادفك اختبارين في نفس اليوم عرفتي عشان كدا تمشي عالخطة أسهل
بس شوفي مواد كلية الحاسب زي البرمجة ونظم هاذي متطلبات للتخرج يعني مالها متطلبات في الاحصاء فخذيها متى ماتحبي :)
ونصيحة مهمة لاتاخذي أكثر من ستة مواد في الترم ولا حتنضغطي زي أول ترم إحصاء ليا .. انتبهي أوك
بالكثير 6 مواد في الترم
وترا أنا كمان زيك طلع نصيبي في كلية العلوم فقلت أبغا شئ أعرف عليه ويناسبني فاخترت الإحصاء تراه أبدا مو صعب
بالعكس حلو ..
حتى شوفي من حلاوته مافي كثير مواضيع عنه من سهولته ..
بس نصيحة لاتضغطي نفسك .. وشوفي الأفضل لكِ أول ترم تشيلي مادة البرمجة لأنها شوي يبغالها مجهود وتكاليفها كثيرة ولازم تتسلم عالوقت وفيها معمل
بس لاتخافين المادة ماهي صعبة خذيها مع دكتورة وفاء أحسن ..
بس هيا أول سنة شوي متعبة بعدين تحبي القسم وتتعودي عليه :)
أي سؤال أنا موجودة :)