[حيــــــاة]

المشاركة الأصلية كتبت بواسطة سوزوكي السلام عليكم ورحمة الله وبركاته ..مساء الخير الحمدلله طلعت نتيجة التحصيلي وصار موزوني 90،47 دعواتكم ربي يتتمم لنا كووولنا على خيير . اخت حياة لو عندك خلفية عن الجامعة الالكترونية كلميني عنو وعن تخصصاتهم ومتى يبدا التسجيل وكم الدفع وكل شيء تعرفيه ولو تعرفي كمان موزون الطلاب كم في عبدالعزيز لغير السعوديين احنا 90وفوق هم كم ؟!؟! وشكراا معليش طولت عليكـ والاسئلة داخلة في بعض بس حولي ناس يبغوا يعرفوا فقلت اسألك .

وعليكم السلام ورحمة الله وبركاته
مساكي خيرات

اول شيئ مبروووووووووم عالموزون الحلو وفالك القبول ،، وضعك كذا في السليم الحمدلله

مافي عدد معين لقبول الغير سعوديين ،، بيقبلوا كل الي محققين الموزون المطلوب بدون حصر العدد .
،.،.

بالنسبة للجامعه الالكترونية ..
نظامها شبه عن بعد وشبه انتظام ،
يكون لك دوام يوم في الاسبوع " التحضيري " ،، وباقي الايام لبعض المواد يكون في محاضرات اونلاين ،
التحضيري فيها خطتين :
أ .. بتدرسي حاسب + مادة شبيه بمهارات التفكير اسمها " مهارات اكادمية " + انجلش .
ب .. بتدرسي رياضيات + مادة شبه مهارات الاتصال " ناسية اسمها " + انجلش .

الانجلش بتدرسيه من موقع اسمه " انجلش تاون " .. فيه دروس اونلاين وتمارين وكل حاجة ، مدرسة متكامله ،،
الجامعه بيعملوا لك فيه حساب ومنه بتدرسي ،،
وبيعملوا لك اختبار تحديد مستوى وعلى اساسه مستواكي ..

اليوم الي بتحضري فيه للجامعه يكون الدووام من 3 لـ 9 تقريباً
3 ساعات انجلش ،، وباقي الوقت للمادتين الثانية ،، يتم مناقشة والي مفروض انك درستيه خلال الاسبوع ،
وفيه اعمال سنة لكل مادة واختبارات دورية ونهائية ،

بعد التحضيري عشان تتخصصي ،،
شرط من شروطهم عشان تجتازي التحضيري انك تختبري اختبار ستيب " هم يعملوه لك بالاتفاق مع قياس " وتكون درجتك 83 (( 23 درجة اعمال سنة بيد استاذتك ،، يعني اقل شيئ تجيبي 60 في ستيب عشان تروحي للتخخصص ))
واذا ماجبتي الدرجة المطلوبة عادي يخلوكي تعيدي ستيب مره ثانية في الاوقات الي يحددوها لك قد ماتبي تعيدي الين تجيبي الدرجة وتنتقلي للتخصص .

التسجيل بدأ من حوالي اسبوع او اثنين ،

موقعهم هذا بتلقي فيه كل التخصصات ،، في لهم كمان منتديات كثير اسالي فيها .
http://seu.edu.sa

...

موفقه : )