[LeLou]

المشاركة الأصلية كتبت بواسطة 9code أنا أنصحك تأخذي إستماع وتحدث , المادة حلوة وخفيفة إذا كنت من النوع الي يتحدث الانجليزية بشكل جيد .. وطبعاً حيكون فيه برزنتيشينين لازم تسويهم واحد تسويه لوحدك والثاني مع قروب .. ولا تنسي تختاري إستاذة كويسة , أنا الحمدلله جبت فيها a =) أما القراة 1 فكثير انفجعوا منها لما دخلو القسم من أول اختبار وانا عندي صراحة قراءة 2 أسهل بكثير =) بالتوفيق ,,

طيب كويس أنا كنت مرجحة الاستماع أكثر شي بسبب الموعد..
المادة الوحيدة اللي موعدها ناسبني من بين كل المواد الحرة :)

يعطيكِ العافية عزيزتي||~

المشاركة الأصلية كتبت بواسطة nour al3mr و عليكم السلام و رحمة الله و بركـــآته يسعدلي قلبك ليلـو .. و لا مادة تنفع كمـآدة حـرهـ إن طبقنا مفهوم المادة الحرة بكونها بسيطة و ما تحتاج كرف مثل موآد تخصصك نفسه فما ينطبق عليهم هالشيء إن كنت مُصـرهـ فالآورال ممكن لكن القـراءهـ لا :)

أممم،، و الله أنا دايمًا أسمع كلام يخوف عن قسم اللغة الإنجليزية ..
مشكلتي العويصة في المواعيد موادي الترم الجاي إن شاء الله مواعيدها جدًا سيئة و كنت أبغى مادة تكون أحد و ثلاثاء من 8 ل 9 و نص..
و لقيت الاستماع مرة انبسطت،، بس حبيت أعرف إذا أفضل هي أو القراءة..
بس قلت لنفسي يا بنت انتِ انجليزيتك مرة كويسة إن شاء الله تتسهل ..

الله يسهل أصلاً الأوديس ما رضي يضيف لي هي ..
و ح أستمر بالبحث ممكن ألقى مادة في نفس هذا الموعد :)

المشاركة الأصلية كتبت بواسطة sмile بالنسبة لي انصحك بالاقناع com205 مادة حلوة سهلة تنفعك كثير في حياتك اما المواد الباقية انصحك بالاستماع والتحدث ... دمتى بحفظ الرحمن

الاقناع موعدها مو مرة مناسبني و الشعبة مغلقة ..
لكني حاطتها ضمن الخيارات و شكلي كذا خفت من الاستماع ..

جزاكِ الله خيرًا ع النصيحة||~

المشاركة الأصلية كتبت بواسطة white rose وعليكم السلام ورحمة الله وبركاته أهلا فيك مشرفتنا منورتنا باللغات وزي ما افادتك مديرتنا الفاضلة مواد قسمنا بشكل عام لا ينصح بها كحرة مو عشان المواد نفسها لكن عشان التعامل فيه تشدد وما فيه مراعاة فما انصحك نهائيا تعرضي معدلك لاي هزة خاصة بقسمنا الكريم وهالشي ينافي الغرض من المادة الحرة لرفع المعدل .. الله يوفقك :-)

يا للهول بصراحة خوفتوني،، أنا من الأساس كنت لاغية الانجليش بسبب الكلام المرعب اللي أسمعه عن القسم ..
لكن زي ما قلت مشكلتي هي المادة الوحيدة اللي لقيتها أحد و ثلاثاء من 8 ل 9 و نص..

الله المستعان،، هو عمومًا الواحدة لازم تستخير قبل كل شي..
//


طيب عندي سؤال:~
أيش طبيعة المادة دي و نظام الدرجات اختباراتها و أيش اللي يندرس فيها بالضبط بشكل عام؟!
أنا أبغى أضيفها في شعبة استاذة اسمها نسرين الحربي..

و جزى الله خيرًا كل من رد علي في الموضوع ||~