السلام عليكم ...
انا ياجماعة والحمدلله اتسكنت في كلية الادارة والاقتصاد وناوي بأذن الله على قسم ادارة الخدمات الصحية والمستشفيات وعندي كم استفسار كدا بس يليت تساعدوني
1- اول شي انا اتخرجت من التحضيري علمي انتظام بمعدل 3.94 تتوقعون اتقبل بالقسم ؟
2- متى اختار هاذا القسم ؟
3- يعني ادرس ترم وبعدين اتخصص ولا انا اختار من الاودس قسم ادارة المستشفيات ؟
4- ولو انا اختار من الاودس متى راح يكون ؟
5- لو اتخرجت من القسم هل راح يكون هناك اختبار هيئة التخصصات الصحية ولا مايحتاج ويكون اكتفاء بدورة لاخذ الرخصة ؟؟
6- المسمى الوظيفي بعد التخرج اخصائي ولا فني زي ماسمعت من بعض طلاب الانتساب؟
7- مدى صعوبة القسم ؟
8- وكم سنة الدراسة بعد التحضيري ؟
معليش ع الاسئلة الكثيرة بس والله الواحد لازم يسئل قبل ما ياخذ اي خطوة للمستقبل ..... وشكرا
|
و عليكم السلام ورحمة الله وبركاته
1. نسب القبول في كل الاقسم تختلف كل سنة
لكن ماشاء الله نسبتك حلوة و ان شاء الله يتم قبولك .
2. أول ما يفتح اختيار الاقسام بالكلية .
3.على طول رح تتخصص بدون ما تدرس ترم و نص مثل باقي الاقسام
مثل ( تسويق , محاسبة.. الخ)
و ايوا تختار من الاودس قسم ادارة خدمات صحية و مستشفيات .
4. صح تختار من الاودس .
تابع موقع الجامعة . لو ما حددوا موعد , ح تفضل تشيك الادوس كل يوم الله يعينك .
5. أول دفعة ما اختبروهم اختبار هيئة تخصصات
و نفس الكلام اتطبق على دفعتنا يمكن يغيروا نظامهم ع قدام و الله اعلم.
إذا تقصد بـ "دورة" دورة الانعاش القلبي فهي متطلب لابد من أخذها قبل التخرج .
6. المسمى في التصنيف بكالوريوس /- اخصائي
وإذا اخذت ماجستير بيكون /- اخصائي اول
والدكتوراه /- اخصائي استشاري
دول بالنسبة للانتظام .
7. متوسط ! القسم سهل لأبعد درجة طول ما بتداوم ع المزاكرة .
8. تلاتة سنين و نص مع التدريب
تقدر تطلع على مجلة القسم ف المواضيع المثبتة فوق
ان شاالله تفيدك و تجاوب ع أغلب استفساراتك
خد راحتك أخوي كلنا كنا زيكم ف يوم من الأيام ! :)
بالتوفيق