السلام عليك .. مبرووك لكل اللي انقبلو في الحاسب ويارب كلنا نتوفق في هالتخصص
عندي اسألة بسيطه واول سؤال ..ايش المواد اللي حندرسها .. ومتى نتخصص ..
واللي مايعرف بالحاسب شيء الا حاجات بسيطه وعامة يعني ماله في البرمجه وهاﻻشياء اللي ندرسها هل يقدر يمشي ويعدي في هالتخصص ويتعلم ويصير بإذن الله متميز وﻻ ﻻزم يكون عنده خلفيه بهاﻻشياء وشكرا
|
إن كان ما لك رغبة في الحاسب و حاس إنك داخله غلط اسحب قبل تتورط
وإن كانت لك رغبة وتحبه فلا تتحطم مهما كنت جاهل بالحاسب
لابد تحط في راسك إن بكالريوس الحاسب الي تدرسه نقطة في بحر
الجامعة تعلمك كيف تعيش كحاسوبي و الباقي عليك كطالب تتعلمه بنفسك , حتى لو تلاحظ الخطة الدراسية في معظمها متطابقة كل الأقسام cs ,is,it
بالنسبة للبرمجة , هي لغة (نفس تعريف مهارات الإتصال) عبارة عن عدة كلمات محجوزة (كلمات عادية تؤدي وظائف معينة مثل for , while ,try,import,class...) تحفظها
و برنامج شبيه بمفكرة وندوز تكتب فيه ها الكلمات (بعد ما تعرف وظيفة كل منها ) مع بعض الإضافات من عندك , ويخرج لك برنامج مفيد
وهذي كلها بتتعلمها إن شاء الله .. بس شد حيلك في الرياضيات و كثر قراءة في مختلف مجالات الحاسب بتلقى المواد سهلة و الـ +A دايم خويتك
أهم نقطة طبق الي تتعلمه و مهما كان إنجازك رائع , استصغره وحاول تنجز أكبر منه
والله يوفقك