[LeLou]

المشاركة الأصلية كتبت بواسطة بنت العبدالله ,* ياربي الله يسعدك ويوفقك يا رب انا باحكي لك سالفتي كلها وانتي جاوبيني ع اللي تقدرين باقروشك معي بس امانه تحمليني شوفي يا قلبي انا طالبة تحويل خارجي . طبعا رجعوني ادرس تحضيري من جديد ودرستها وتخصصت بعدها بنفس التخصص اللي كنت فيه في جامعتي الاولى اللي هو تاريخ لما جا وقت الحذف والاضافه رحت الكليه عشان ازين جدولي وسألت أستاذه بلقيس الله يسعدها عن المواد اللي عادلولي اياها قلت لها المواد اللي شالوها مني ادرسها مره ثانيه والا لا .؟؟ قالت المواد المحوله ما تدرسيها مره ثانيه نزلي مواد غيرها من الخطه . اخذت 4 مواد الترم الاول 3 عامه و وحده تخصص والترم اللي بعده اخذت خمس مواد 3 تخصص و2 عامه الترم ذا لما جيت ازين جدولي لقيت المواد اللي عادلوها لي هي اللي شعبها مفتوحه مع العلم اني عملت بكلامك ما شلت الصح من مراعاة القيود :( بالاضافه الى اني لقيت مادتين محولة اللي هي القران وفقة السيره وهالمادتين من قسم الدراسات . هل تعتبر لي مواد حره والا ضروري ادرس مواد حره من جديد ؟؟ الله يسعدك ويوفقك دنيا واخره والله العظيم ورب الكعبه امس من القهر جلست ابكي من كثر ما حاولت وهو موراضي يضبط لي اللي قدرت اضيفه الثقافه 4 بس .. حاولت اضيف من مواد التخصص لقيت اغلب الشعب مغلقه ومواد مدروسه من قبل .. ساعديني الله يخليك :( لو كنت بجده كان رحت الكليه بس انا مو بجده ايش اسوي

و الله يا عزيزتي أنا ما أظن أني ح أقدر أفيدك كثير..
انتِ شكله عندك مشكلة بالآوديس و وضعك ما راح يضبطه لك غير الشؤون الآكاديمية بكليتك..
إذا المادة ما تقدري تضيفيها لازم تضيفيها من عندهم..
فقه السيرة و القرآن دي درستيها في جامعتك القديمة و لا هنــا؟!
إذا هنا معناها خلاص انتهى مو لازم تاخذي مادة حرة إذا كملت مجموع الساعات 6الحرة 6 ساعات..
شخصيًا ما أعرف كثير عملوا تحويل خارجي،، بس أعرف بنات حولوا من كليات داخل الجامعة و كانوا يعادلوا لهم مواد على أساس أنها مواد حرة..
بس بالنسبة للتحويل الخارجي ما أعرف بصراحة و الأفضل تســألي أحد أفهم مني إذا ح يعادلوا لك المواد الحرة اللي أخذتيها من قبل..

//

بالنسبة لكونك مو في جدة،، يا عسل دا تسجيل مبدئي و راح يفتح الحذف و الإضافة ثاني إن شاء الله بشــوال..
و تقدري تروحي للشؤون ساعتها و تكلميهم بموضوعك و الشعب المغلقة ممكن ناس تحذف المادة و تفضى و ممكن تتوسع الشعبة لو طلبتوا توسعة..
قسم التاريخ فيه مواد كثير تتقدم كمواد حرة لكليات ثانية و دا سبب ثاني يخلي شعبكم تقفل بسرعة حاولوا تطلبوا توسعة لو ما قدرتوا تضيفوا المادة..

بالتوفيق حبيبتي و أعتذر إذا ما قدرت أفيدك||~