[نيكييتا]

اهلا فيكي بكليتنا ^ ـــــ ^

التخصص مهو سهل ولا صعب يعني مافي شي في الحياة كامل .. المواد النظرية بعضها سهل لدرجة انك تدخلي الفاينل من غير مذاكرة و تجيبي درجة حلوة و بعضها تبكي من ثقل المادة
المواد العملية ممتعة جدا و ميزتها انها تعلمك حرفة ممكن تفتحي فيها مشروعك الخاص لو مالقيتي وظيفة .

الصعوبة في التخصص امكن في الحاجة انك تكوني مبدعة بدرجة اولى لأنو الأستاذات ( و خاصة في المواد العملية ) قد شافو اشياء و ابتكارات كثيييييير فيحتاج منك انك تكوني أوريجينال قد ماتقدري أو بالأصح فوق ماتقدري يعني لازم تكوني مبدعة درجة أولى انا عن نفسي كان يجيني احباط من كثر ما افكر و ابتكر و مايعجب استاذاتي احيانا ^^"

المجال الوظيفي و الله لسه توي بقول بسم الله بدور ^ ـ ^ بس عادي اي وظيفة ادارية تقدري تشتغلي فيها و اكثر قسم في الشركات يطلبنا هو العلاقات العامة لأنو مرتبط بالتخصص مرة .. يعني في يوم المهنة كلمت المسؤولة الي جات من التخصصي و قالت لي انو ايوا ممكن يوظفونا في العلاقات العامة ،، بس اكثر مكان يبغى يوظفنا بس اغلب البنات مايقدرو هو الفنادق يعني يوظفوكي فيها بمرتبة مشرف على طول من غير تدريب و كذا و راتب محترم و كلو

بس الوظيفة و المستقبل اولا و اخيرا بيد الله يعني لو ايش مافكرتي فيه الي كاتبه ربي لك رح تاخذيه هو بس فلا تتعبي نفسك بهذي الأشياء ..

ماستر تخصصنا مفتوح بس اظن كل سنتين يعني سنة يريحو و سنة يستقبلو بس مني متأكدة بس هو ترا في ماستر ادارة سكن و مؤسسات عادي ..

اسألي اي شي حابة تعرفيه و ان شاء الله اجاوبك على قد علمي

و موفقة ان شاء الله ^ ــــــ ^