[حيــــــاة]

المشاركة الأصلية كتبت بواسطة مكنونة اها مدري طيبه كيف نظامهم وانا الحين شايله هم رحت راجعت جامعه طيبه عشان اكمل اجراتى قالوا مافى شي للاجانب الابعد العيد وانا الحين بسافر ومابقدر ارجع الاقبل الدوام باسبوع ان شاء الله واخاف يروح قبولى لازم المرمطه دي والله سافرت المدينه ع الفاضى مااستفدت حاجه الله يصبرنى

هم اكيد مابيختبروكم الين تتمموا اجرائات القبول ،، اسألي كعارفك من طيبة ،، او اتصلي عالعمادة واساليهم كيف نظامهم في الانجلش ،،
على كلٍ هو اذا فاتك مو مكشلة .. بتبدي من المستوى الاول وبس ،
والله يختار لك الي فيه الخير

: )

المشاركة الأصلية كتبت بواسطة traneem alamal السلام عليكم وشهر مبارك على الجميع ودي اسأل .....الحين لازم نتصل عشان نعرف انهم قبلونا ولا ننتظر الفرز ...... وجزاكم الله خير على مجهودكم ووقفتكم معانا

وعليكم السلام ورحمة الله وبركاته
علينا وعليك : )

اتصل + راجع لو تقدر + خلك متابعنا هنا عشان تعرف كل جديد ،،
الفرز والقبول ماراح يطلع شيئ في ملفاتكم ،، دا شيئ لازم تعرفوه ولم يجي القبول احتمال تجي رسائل عالجوال واحتمال تتأخر الرسائل زي العام وماتدروا من القبول الا لو رجعتوا زي ماصار معنا ،
الواضح حتى الان انه القبول عالترم الثاني يعني لازم على نهاية الترم الاول تبدأوا حملة اتصالات عالوزارة + الجامعه + مراجعة العمادة ،،،

والله يفرحكم بالقبول : )

المشاركة الأصلية كتبت بواسطة sweety moon صباح الخير للكل :)) .. حياة كمان رجعت لك بأسئلتي المزعجة :s .. ع العموم الحمدالله جاني قبول من جامعه سعودية الكترونية بس أبغى اسأل هيا جامعه معتمدة ولا ايش وضعها !؟؟

الف مبروووووووك
جميلة جدا كلمة قبول الله يرزقها الجميع زي مايتمنى ..

الجامعه الالكترونية جامعه سعودية معتمدة طبعا حكومية قوية مناهجها وتخصصاتها جداً متقدمه ،،

..

المشاركة الأصلية كتبت بواسطة bdoor ismail اليوووووووم 6 رمضان وما طلعلي شي في تدقيق الطلب وانا غير سعودية سجلت انتساب في احد زيي ولا بس انا كدا ؟؟

قالوا 6 او 7 ..
مو لحالك فتحت ملف بنت غمي ولسى مافي شيئ ،، ننتظر عليهم لبكرة ونشوف ،
الله ييسر : )

المشاركة الأصلية كتبت بواسطة بعثرة الجرح السلام عليكم بعد عناء طويل دقوا علي السفارة واعطوني رقم المعاملة بس عند كم استفسار - متى دوام الجامعات في رمضان وش الاوراق اللي اخذها معي وهل بنبدا بداية السنة -ممكن اغير تخصصي اللي اخترته يوم سجلت في السقارة وشكرا

وعليكم السلام ورحمة الله وبركاته

جمييل جميل ،، الحمدلله ،،

طيب عندي اسألة على اسألتك : )
* انت مقدم من ياناير الماضي مو ؟
* على اي جامعه مقدم ؟ لانه تغير التخصص يعتمدد لو كنت مقدم على جامعه فيها تحضيري فعادي بعد التحضيري تتخصص اي تخصص وماعليك من الي كتبته كان اجراء روتيني ،
اما لو جامعه طوالي عالتخصص هنا يفرق ،، تكلم السفارة وتقولهم انك تبغى تخصص غير الي حطيته ،
* جابوا لك سيرة الدوام دا الترم او الترم الجاي ؟
*متى قالوا لك تسلم اوراقك ؟
.،.
الدوامات من 10 لـ3
الاوراق الي تاخذها مفروض قالوا لك ،، المهم بتكون اوراق روتينية ( شهادة ثنوي اصل وصورة + هوية اصل وصورة + تطبع القدرات والتحصيلي من قياس + صورتين شخصية )

ومبروك القبول : )