د.خولة زهران
الدكتورة تدرس بدار الحكمة وتجي كانت فترة الانتساب لذلك تتكلم اغلب وقتها عنها .. وبالنسبة للشرح ما تحضر سلايدات زي ما هو متوقع منها وهالنقطة شوية تعبتنا لمن درسنا معها لاننا تعودنا الاستاذة تحط لنا سلايدات نمشي عليها وتكون مفتاح للكتاب وتلخص اهم النقاط المطلوبة .. وكمان بالكلاسات ما تشرح كل الشابتر لا تعطيك المفاهيم اللي هيا تحسها مهمة وتبغاك تركزين عليها وتعطيك لمحة عن اش يتكلم الشابتر بشكل عام بس تطالبك بالنقاط اللي هيا تبغاها .. درست معها سوسيو وابلايد وسيمنار وسينتاكس وكانت تشرح من الكتاب مباشرة والاختبار معها يعتمد على تركيزك وقت الكلاس معها وربطك لكلامها بالكتاب والتعاريف ما تجي من بوكس انتي تكتبيها وتصحيحها مش ولا بد لكنها تنجح اغلب البنات ما عدا في السيمنار حسيتها اعطتنا الدرجات اللي نستحقها والحضور معها جدا مهم من اول كلاس للنهاية .. وقبل الاختبارات النهائية تعطينا ساعاتها المكتبية عشان نراجعها فيها وتكون بمكتب السكرتارية لو حبينا نسالها عن اي شي مستغلق علينا في المادة او نسلم بحثنا زي مادة السيمنار كان فيها بحث معها ..