[~Me~]

المشاركة الأصلية كتبت بواسطة bahamdain بااآك هلا بالخوي معلييش على السحبة بس زي مو انت كاتب بموضوعك التهيت بالخرجات والفله :) هههه أحلى شي في موضوعك المقدمة حقت هاكونا ماتتاتااا ويعطيك العااافية ولا تخاف قريت كل الموضوع وانا خويك المهندس الي زيك وقدك :) الله يوفقك ويوفقنا

أهلين فيك

الله يعافيك

حي الله المهندسين ياخي أفخم ناس

ويوفقك جميع المسلمين إن شاء الله

عطرت الصفحه بمرورك الجميل < زي المنتديات ايام زمان

المشاركة الأصلية كتبت بواسطة m!ss.r!ma واللـهـ الذي لا إله إلا هو إنهـ من يوم ما نزلت الموضوع وأنا شايفتهـ ونفســـــــــــــــــــــــي اعلق وأكتب نصائحي فيهـ لتعم بفائدتها أرجاء المعمورة , ويستفيد منها كااافة الشعب .. بس للأسف ما طلع معي شيء للآن غير نصيحة وحدة بس إللي هي .. لكل واحد زي مانعرف طريقة مذاكرة معينة , بعض الطلاب يحب يذاكر يوم بيوم , وبعضهم يحب يفلت لقبل الاختبارات بفتره وبعدها يشد طبعاً أن مارح اقول لكـ إن الأول صح والثاني خطأ .. لأني أن كنت من النوع الثاني {حقون الهكونا متاتا} والحمدللهـ جبت المعدل إللي يرضيني.. والمسألة مو مسألة كم ساعة تذاكر .. المسألة كم نسبة فالمية من اللي ذاكرتهـ رح يبقى فدماغكـ ..!! وذا الشيء يعتمد ع طريقة ونمط مذاكرتكـ و إللي لازم تكتشفها انت بنفسك ومن بداية السنة ,, ويفضل أن تكون مريحة وممتعة فنفس الوقت أدري رح تقول تبكش علينا ذي كيف مذاكرة وتكون ممتعة ..؟!! أنا أفهمكـ كيف .. أنا طريقة المذاكرة التقليدية ذي ماكانت تمشي معايه أبددددداً ,هرجة إني أمسكـ الكتاب واحفظ بالطريقة العادية هه شيء مستحيل فإيش كنت أسوي ,, رح ابدأ بالرياضيات - بما إنكـ خطة أ - إذا كان فيه مسألة صعبة ولأزم لها خطوات حل معينهـ وطويلة اقلبها أنا فلم أكشن واتخيل الأرقام اوادم <<<< لحد يضحك والله العظيم إنها طريقة تونننننننننس .. وإذا جيت احل افتكر الخطوات " إيوه أول شيء ذا يضرب ذا ويرميه هناكـ فتشوفهم ذيك وتطيح من الدور الأول للدور الثاني -البسط والمقام - وبعدين يجي أكبر أوس فيهم ويطرحهم أرضا " <<< لا تستغربون وللهـ في خلقهـ شؤون نجي للي رح يبدون بخطة ب ,, ناخذ الأحياء بما إنها المادة التي يكرهها الجميع >>ما عدايهـ << لأن أغلبيتها خطوات معقدة لعمليات داخل الجسم وإلا في النبتهـ ..المهم إني كنت اعشق مذاكرتها واللهـ لأنها كانت عملياتها أرض خصبة لمخيلتي .. فما كنت أخلص الباب إلا قد الفت افلام هنديه على باكستانية على بنقاليهـ لا ومتنوعهـ كمان كوميدي ع حزين ع أكشن , على حسب المزاج وقتها .. والهـ العظيم ما أخلص الجزئية إللي انا محددتها إلا وبطني بيتقطع من الضحكـ ع افلامي الهبلا <<< لدرجة إنو مرة دخل عليهـ أبويهـ وأنا أضحكـ قعد يطالع فيني مستغرب المسكين شكـ في عقلية بنتهـ هوا ذا اللي زاد معايهـ , وأما نصايحي إللي من العيار الثقيل قد كتبتها فموضوع "ي لبى التحضيري" إن شاء اللهـ إني أفدتكم بس ..وموفقين * على فكرة الموضوع 10\10 ,, موضوع بططططططل التنسيقات بالحركات بكلوووووهـ ما شاء الله ..

مشكورهـ على الكلام الأكثر من رائع

صراحه كلامك مفيد ( للبعض )

انا اتبع نفس اسلوبك لكن بطريقه مختلفه شويه ما اسوي أفلام لا بس اتخيل الشي على طبيعتو يعني إن كان جسم إنسان اتخيل جسم إنسان وكيف يمشي الانزيم وكيف يسوي وكذا لكن ما اروح اقول والله ستي فوزيه شربت سوبيا ع الفطور وخش بطنها وعندها سكر وجا انزيم انسولين ودي الهرجات ما اوصلها لدي الدرجه

بصراحه اكثر طريقه اعتمد عليها وتخليني دايماً احقق شي ما اتوقعو الي هيا أسأل نفسي سؤال ... مثلاً كنت جالس كدا فحالي وجا فبالي تيمون وبومبا وهكونا متاتا ... جلست افكر ايش يعني هكونا متاتا ورحت بحثت عندها وطلعلي المعنى ومنها مدري كيف كذا مشيت الامور ورا بعض وطلع معايا دا الموضوع

انا دايماً لما اذاكر اسأل نفسي كيف يجي في الانسان كدا واتخيلو و طبعاً الإجابه تكون موجوده في الكتاب وبكذا احفظها وممكن اتعمق فيها وتعجبني الشغله واروح ابحث في النت عشان اعرف كل التفاصيل ويضيع الوقت واروح الإختبار و الله يعين

وزي كدا فكل حاجا أقرأ الدرس واسأل على كل نقطه سؤال واعبي اسئله وبعدين اجي اجاوب عليها كلها مره وحده ومره تانيا وبكدا اضمن 100 في الماده .. بس تحتاج شوية وقت وللآسف هيا دي المشكله عندي

اما الرياضيات فمثال من واقع الحياه ( دا فمناهجنا ما اعتقد جاكم ) هوا الي يخليني افهم ... لما يكون مكتوب مثلاً رجل يبغى يصنع محرك سياره وكدا احسب قوة المحرك في الدقيقه الاولى من الانطلاق ومن دا الهرج هنا اتخيل انو انا دحين مهندس ويلا ابغى اسويها وابدأ احسب


فالتخيل مرهـ مفيد بس انتي تزيدي الهرجه تخيل وبكدا ممكن يضيع وقت كبير

ع العموم مرهـ شكراً صراحه كلامك جداً مفيد ويعطيكي العافيه ... وخشيت موضوعك يالبى التحضيري واستفدت منو صراحه

منورهـ الحته