17-07-2013, 06:01 PM
|
#17
|
لا حول و لا قوة إلا بالله
تاريخ التسجيل: Oct 2009
كلية: كلية الاقتصاد والادارة
التخصص: ~ محآسبــة .."
نوع الدراسة: متخرج - انتظام
المستوى: متخرج
البلد: جــــدة
الجنس: أنثى
المشاركات: 2,383
|
رد: ]:[ وصفَــآت لإِعْـدَآد أطبـآقنــآ الرمضَـآنيَّـــــة ]:[
ربي يسلمكم و يسعد أيامكم يااارب
ما شا الله ما شا الله إش الحركات الحلوة دي و الإبداعات تسلم الأيادي يا جميلااات
ما شا الله جدددًا مشهية الكفتة بالبطاطس مديرتنا الفنانة حبيتها و نفسي أجربها بس أهلي ما ياكلو إلا الأشياء اللي معتادين عليها و قلييييييل بالمرة لو جربو شي و حبوه << عشان كدا ينكبت إبداعي و ما يظهر
قبل شوية سويت ( بيتزا ) و حبيت أنزل لكم طريقتها ,,
مقادير العجينة :
ملعقة بيكنج بودر
ملعقة خميرة
تلاتة ملاعق صغيرة سكر
ذرة ملح
ربع كاسة زيت او ازود شوية
كاسة موية دافية و نذوب فيها تلاتة ملاعق حليب
كاسين دقيق
طريقة العجينة :
نحط المكونات الجافة كلها ما عدا الدقيق و نحط الزيت و نحط الموية اللي فيها الحليب و نخلطهم سوا
و نحط الدقيق الكاسة الأولى و التانية مو كلها و نخلط بالملعقة الين تتجمع العجينة و يصير سهل عجنها و نعجنها باليد و نشوف لو تحتاج نزود الدقيق الباقي او لا << دي طريقتي في العجن
و انتي ح تعرفي شكل العجينة لمن تصير جاهزة معاكي << للأسف ما صورت شكلها ..
و تتركيها تتخمر نص ساعة او ساعة إلا ربع كدا ..
مقادير الصلصة :
طماطم معصورة
معجون الطماطم
فلفل رومي
بصل
ملح ,, فلفل ,, كمون و أي بهارات تحبوها ..
الطريقة :
نعصر الطماطم او نفرمها او نطحنها << زي ما تحبو مع شوية من الفلفل الرومي ..
نقطع البصل صغير و نشوحو ع النار مع الزيت لين يتحمر و نحط معجون الطماطم نقلبو شوية بعدين نحط الطماطم اللي عصرناها ..
نحط بهاراتنا و نترك الصلصة الين تستوي و تتسبك معانا ..
...............
نفرد العجينة في الصينية و نحط الصلصة و نحط عليها زيتون و فلفل رومي و جبنة النوع اللي تحبوه << هنا انا حطيت جبنة كرفت علب + جبنة موزريلا (:
في خطوة اختيارية اننا ندهن العجينة بجبنة سايلة قبل ما نحط الصلصة عليها عشان يطلع طعم الجبنة مركززز ..
ملاحظة : الملعقة المستخدمة في المقادير ملعقة الطعام << ما عدا السكر رح نستخدم الصغيرة حق الشاهي ..
و بالهنا و العافيييية ..
البيتزا قبل ما تستوي
بعد ما استوت
|
|
.. أستغفر الله الذي لآ إلهـ إلآ هوَ الحي القيوم و أتوبُ إليهـ ..
{ الظُّلْم ظُلُمَات يَومَ القِيامَة }
اللهم ارحم أمي و اغفرلها و اجعلها في نعيم و رضا و رضوان من ربٍ رحيم
|
التعديل الأخير تم بواسطة موفقة يارب ; 17-07-2013 الساعة 06:24 PM.
سبب التعديل: أكلنا بعض الحروف :p
|
|
|