بسم الله الرحمن الرحيم
السلآم عليكم و رحمة الله و بركاته..
وعليكم السلام ورحمة الله
أخواني أعضاء المنتدى ، بصراحة ما يخفى عليكم إني راح ألتحق بإذن الله بكلية الصيدلة في بداية العام الجديد ( بعد العيد
حتشرفنا إن شاء الله
و نقدر نقول صار عندي معلومات جيّدة عن الكلية .. و في الحقيقة حاب أشد حيلي و عقدت العزم على إني أجيب المعدل اللي يبيض الوجه
و يرفع الراس ، فـأبغى أعرف كم نقطة ناقصتني ( أشياء بسيطة يعني ) مثل : مادة البايوكيميستري ، و الفسيولوجي !
أبغى أعرف إذا كانت المادتين هذي دسمة و كبيرة مثل مادة الأحياء في السنة التحضيرية ( و إنتو أكيد عارفين كيف كانت شباتر الاحياء ) !
أو أقل منها أو أكثر !
أحييك على رغبتك في الإجتهاد أستمر وخليك متحمس على طول شوف ياطويل العمر مادة البايوكيميستري يبالها مذاكرة أول بأول كل اللي عليك تحضر المحاضرة وتأشر مع الدكتور على اللي تشوفو مهم وترجع البيت تذاكر اللي أخذتو أو بالكثير نهاية الأسبوع تراجع اللي أخذتو وحتى لو ماقدرت تراجع وتزاكر تمام حاول حتى تقرأ اللي اخذتو كأنك تقرأ جريدة وطبعا احنا على ايامنا السنة التحضيرية كانت المذاكرةفيها عن طريق التست بانك فماني عارف هل البايوكمستري زيها أو مختلفة أما بالنسبة للفيسيولوجي 
أنا مراح اقولك شي عنها لأنها جدا سهلة ولمن تبدأ السنة حتشوف مدى سهولتها وحتقعد تضحك ههههه
الشئ الثاني .. إذا أحد منكم يعرف كيف طريقة التوظيف في ( مصانع الأدوية ) مستقبلا إن شاء الله ( إذا ربي أحياني ) و إيش يطلبوا !
المصانع تقدم أوراقك عندهم ويشوفو معدلك كيف ويمكن يسوون لك مقابلة شخصية وخلاص مبرووك عليك الوظيفة يا دكتور
الشئ الثالث .. إذا أحد حاب يكشف لنا عن العثرات اللي ممكن نوقع فيها ، أو اللي يوقعوا فيها الطلاب في الغالب عشان أتجنبها أنا و زملائي
( يعني يا ريت لو أحد يكتب تجربة له ، و إذا فيه حرج بالنسبة لهذا الموضوع .. عادي مو شرط تكتبوا تجربتكم )
هو أغلب الطلاب يخشو الكلية متحمسين وكل شي حلوو لكن اسبوعين أو ثلاثة اسابيع تصير عندهم لامبالاة ويغيبو ويهملو المحاضرات أنا اشوف إنك تنتبه من اللي تمشي معاهم في الكلية لأن الصاحب ساحب فإنت أختار أصدقائك بعناية وخلي وقت الدراسة جد وإجتهاد واقنع نفسك إنو هدفك الوحيد هو الدراسة وطبعا لازم تروح عن نفسك يعني وقت اللعب عادي العب وفلها وسوي اللي براسك ههههه يعني حدد لك وقت مخصص للعب والتسلية ووقت للدراسة و..... إلخ حتحصل نفسك ماشي زي الفل
الشئ الرابع .. أغلب قراءاتي لمشاركاتكم ، كنتم بتوصّوا فيها على إني أهتم بالشرح مع الدكتور و أكتب المحاضرات
( أستأذنكم بس لو توضحوا الطريقة الوافية للطالب في كتابة المحاضرة مع الدكتور .. أقصد عن الكيفية !! )
أنا اقولك يالغالي كيف شوف ياطويل العمر اشتري قلم تخطيط فسفوري وقلم أزرق ابو ريال 
وشوف الدكتور ايش يركز عليه بالشرح وحدد معاه في المذكرة حقتك طبعا الدكاترة اسلوبهم باين يعني مثلا لمن تشوفه عاد جملة معينة أكثر من مرة فإحتمال كبير تجي باإختبار وأحيان الدكاترة أثناء الشرح يقولو اسئلة ممكن تجيكم في الإختبار فحاول تكون مركز معاه
الشئ الأخير .. بما إني لسّى سنة ثانية صيدلة ، هل في كتب تعتبر مفيدة لي جدا أو انكم تشوفون إنو بدري هذا الكلام !
أنا عن نفسي ما أنصحك تقرا شي ذحين فلها والعب وانبسط عشان ترجع السنة الجاية بكل قوة وحماااس
و الموضوع هذا للكل ، بس حاب أوجّه الأسئلة اللي فوق خصوصا لـ ( the hill ، د.كيف ، زمرد ، غريب عزيز ، تركي 4444 ، pharm.d .s )
لأنهم يعتبروا المراجع بصراحة بالنسبة للطلاب الجدد ، و أصحاب خبرة ( الله يوفقهم و ينفع بهم ) 
الله يوفقك ويعطيك كل اللي تتمناه وسامحنا عالرد المتأخر
أعتذر عن الإطالة ، و دمتم بود
دام عزك 
...