بسم الله الرحمن الرحيم
كيفكم يا شباب
حاب استشيركم في جدولي الترم الجاي و انا متخصص اتصالات
نزلت هذه المواد
ee300 اياد ابو الحاج
ee301 محمد الشنقيطي
ee302 حاتم الرميلي
ee306 عبدالحميد الخطيب
ee311 امجد حجاز
ie256 ايمن هاشم
ايش رايكم في الدكاترة و امواد و لو في تعديل هذه المواد اللي باقيه لي من السنه الرابعه :ee332 :ee366:ie331
|
EE-300
الحمدلله خلصتها الترم الصيفي دا مع م. إياد أبو الحاج , في بعض الأحيان الواحد لمن يدرس عند دكتور معين يكتشف أنه كل اللي سمعه عن هذا الدكتور غلط X غلط , بدأت الصيفي وأنا خايف أنه يكون الدكتور شديد معانا ومتقعدلنا (حسب ماسمعت) وفي النهاية طلع والله مرررة ممتاز , صح كان مضيع شوية في بعض الدروس لأنه أول ترم ليه لكن أجتهد و والله فهمنا المادة , فنزل المادة عنده وانت مرتاح.
EE-301
شوف هذا التعليف كتبته أنا قبل فترة و أعتقد فيه الزبد:
"هذي المادة حتاخذها عند الدكتور محمد الشنقيطي - الله يطول في عمره - وطبعا هيا تعتبر تكملة للبيسك وحتى حتدرسو نفس الكتاب بس دي المرة حتختموه كلو. توزيع الدرجات فيها: 15 درجة كويزات (يديكم 15 وياخذ أحسن 10 بس), 20 درجة لكل ميجر (ميجرين), 5 درجات مشروع سهل, و 40 فاينل = 100 درجة. المادة يبغالها شغل بس ماهي بديك الصعوبة, انتا بس أديها حقها و"أفهم" لأنو المادة Open Book , يعني تخش بالكتاب والدفتر وملاحظاتك أي اختبار, سواء كويز أو ميجر أو فاينل. في ملزمة أشرف بركات للمادة ممكن تستفيد منها (بس ممنوع تخش بيها الاختبار بس ممكن تنقل اللي تبغاه في الدفتر وتخش). وفي كمان آلة تكساس لازم تشتريها عشان تسهل عليك الحسابات اللي ماتسويها الآلة العادية (لاتشتريها من جرير النصابين, يبيعوها ب1000 ريال وسعرها 600 ريال تقريبا من أمازون, دبروا نفسكم واحد يطلبها من أمازون أو موقع من النت مضمون بدال جرير)".
EE-302
ماعندي معلومات عنها , بس خذها عند د. منتصر شيخ.
EE-306
زي ال303 عندنا في البور , اللي أعرفه عن ال306 أنه د. نزيه العثماني الأفضل فيها بس مايدرسها الترم دا ماني عارف ليش , بس الدكتور الجديد ماأعرف عنه أي معلومة.
EE-311
د. عبدالرحمن القطاونة أحسن بكثييييير من حجار , شعبته ماتتعارض مع أي شعبة قلتها فأحسن سجلها عنده بسرعة لاتقفل الشعبة , و عن المادة نفسها شغلها كثييييييييييييييير جدا , وال105 درجات موزعة على 10 أشياء تقريبا , مرة كرف دي المادة .
IE-256
د. أيمن مرة مصععععب المادة دي و عشان كدا مأخرها أنا ولسا ماأخذتها , وأصلا ماهي بديك الأهمية في الخطة , ممكن تأجلها .
* جدولك باختصار (انتحاري) , ليش كدا ضاغط نفسك ؟! 18 ساعة منهم 16 مواد كهرباء !!! وعندك سيركت وماغناتك و الكترونيات مع بعض ! جدولك جدا صعب واذا أخذته ممكن معدلك ياخذ ضربة محترمة لاسمح الله , خذ النوميريكال 332 مع إياد أبو الحاج برضه مع الكومبلكس والسيركت وشيل الماغناتك نهائيا أحسن وخلي جدولك حوالي 15 ساعة بس , لاتستعجل و تتحمس وبعدين تندم.