[najmah]

أنا أختبرت استيب مرتين وفعلاً عامل الوقت هو اللي مزعج .
بالأول 375 وماكنت مذاكرة ولاشي
والثاني للأسف 349 مع إني ذاكرت وترجمت وحفظت كلمات ياكثرها بس مقدر ومكتوب
الحين سجلت بالايلتس وأشتريت كتاب من المعهد الثقافي البريطاني فيه نماذج لطريقة أسئلتهم وحتلاقي منتديات كثيرة فيها شرح لطريقته خذي فكرة عنه وكلام الأخ مودي جميل جربي حظك ومدام 4 تعادل 400 توفل يمكن نعديها .

لازم تقوي نفس بالقرامر عشان تقدري تتكلمي وتسمعي كثير عشان تفهمي وتحفظي كلمات عشان تفهمي القطع وتقدري تحلي وبالتالي تقدري تكتبي بقسم التعبير لما يطلبو منك أي شي .
الله يوفقك أنا شايله هم ولسى مو مره مستعده
أتصفحي مواقع وراح تفيدك كثير.

اللي أتابعها الحين وأدرس عليها
www.manythings.org
www.usalearns.org

الموقع الأول رائع بالريدنق صوتهم واضح ويقرأو ومايسرعوا والقطع متنوعة
وفيه كلمات وقرامر وألعاب تسهل عليك اللسيننق وحاجات كثير لسى ما شفتها
والموقع الثاني متنوع كلمات مع صور وفيديو لمعلمة وطلاب يدرسوا وتمارين وفيها أسئلة بعد كل قسم تروحين له واللي يميزه إنه صوت وصورة ويبدأ معك من الصفر خصصي لنفسك كل يوم ساعة أو ساعتين وإجلسي عليه مابتندمي .
أهم شي ماتيأسي .. وخلينا نعيد نعيد لين نجيب الدرجة ما أظنها مستحيل بس لازم إجتهاد منا وممارسة وتدريب.

الله يوفقك ويوفقني ويوفق كل اللي راح يختبرو ..

أحب أقولك إنه التسجيل للايلس بموقعهم اون لاين وبعدين تروحي تدفعي الرسوم ولك 30 ساعة محاضرات مجانية بعد الدفع .
والاستيب نزلت مواعيد جديدة بشهر ذو الحجة 12 يبدأ التسجيل فيها من 18 شوال ..

دعواتكم وفي حفظ الرحمن