السلام عليكم ..
امم عندي سؤال بسيط
هل ممكن اني ادخل كلية الهندسة بعد التحضيري ؟
لان ولد عمي درس قبل سنتين السنة التحضيرية وسألهم قالو اذا معدلك عالي راح تدخل
وخلص التحضيري بمعدل 4.2 من 5
وكان مطلوب للهندسة اظن 3.75
ومادخلوه قالو انت اجنبي ماتدخل :/
اللي يدخلو يكونو من أم سعودية او ابوه من هيئة التدريس ف الجماعة !
تعرفو احد اجنبي في كلية الهندسة أمو مو سعودية وأبوه مو من عضو هيئة التدريس ؟
أتمنى تسألو لي انا ماعرف احد والله
|
وعليكم السلام ورحمة الله وبركاته
مثل ماقلك moblue
الهندسة تقدر تدخلها من اوسع ابوابها ،، ومن بعد التحضيري مافي مقارنه بالتخصصات بين سعودي وغير سعودي ابد ماعدا في الطب ومشتقاته ،
دام معدلك يدخلك بتدخل ،
غريب امر قريبك !! لانه اعرف اكثر من واحد تخصصوا هندسة من دفعة 2010 ..
وازيدك كمان ..
اذا احنا البنات الكلية اصلا لها سنه من انفتحت للبنات وماتستوعب الا 80 طالبة فقط ..
مع هذا صحباتي " الغير سعوديات " دخلوها من اوسع ابوابها بسلاح واحد فقط الا وهو درجاتهم ،
في المقابل سعوديات مادخلوا لانه ماحققوا المطلوب ،
فإذا كان كليتنا الصغيرة محدودة فقط بثلاث اقسام فقط وبإستيعابها البسيط قبلوا غير سعوديين وماكان في اي عامل للمفاضله ، فمابالك بكليتكم الي ماشاء الله تعدل بثلاث ارباع الجامعه !
وبعدين الهندسة للكم تنزل لنسب يعني احسها مره قليله لدرجة اصير *ـ* بالمقابل عندنا ،،
يعني لاتشيل هم ..
مه هذا زي ماقلك .. انت خلي هدفك قدامك ومافي شيئ بيعوقك ..
تبغى اسمك يسبقه " م " بعد زمن .. اسعى له .. وراح يجي اليوم الي تشوفها قدام عينك ..
واحد زيك كرف عشان يجيب الموزون الي يدخله الجامعه ،، راح يناضل عشان يوصل للي يبغاه بإذن الله ،
.،.
مسألة تخوفك من التحضيري والحياة الحجديدة .. بمجرد اول يوم دوام لك واول اسبوع راح تختلف وجهة نظرك بالكامل ،،
وتحس انك فكرت وشلت هم زيادة عن اللزوم ،،
الحياة الجامعية بشكل عام حلوة كثير .. فيها تقدر وتتعلم كيف تحكم نفسك بنفسك ،
لانه مافي اي رقيب عليك غير نفسك ..
هي معادلة بسيطة :
تسعى + تجتهد + تنبسط وتلعب شويتين " لانه شيئ الزامي في الحياه " = توصل
تلعب + تطنش + " تدرس بدون اهتمام " = ماراح توصل او بمعنى اصح راح توصل <<بس وصول غير مرضي >> وما اعتقد انك تعبت في التسجيل والانتظار عشان توصل لدي النتيجة ^ـ* !
اما من ناحية المناهج والمذاكرة والدراسة الجديدة وزي ماتسمع كله انجلش وووو ... الخ
هذا كله في اسبوع واحد بس راح يكون هو اسلوب دراستك الي انت متعود عليه وكانك من شهور درست كذا ،
لانه راح يكون التأقلم تلقائي وطبيعي ..
ممكن اول محاضرة تكون شغوف بالشيئ الجديد بس ثاني محاضرة تنصدم من كمية المصطلحات وحجم الكتب وتجلس يومين تفكر انا كيف بلحق
بس من ثالث محاضرة راح تترتب عندك كل المفاهيم
مهم جداً انك ماتتخوف وماتقلق وتصبر وكل شيئ بيمشي زي ماتحب ..
مهم الاجتهاد والمذاكرة اليومية والاسبوعيه ،، طبعا اسلوب المذاكرة يختلف من شخص لاخر ومن فكر لاخر ،، فهنا تكون مهمتك انت حسب ماترتاح انت وماحد يقدر يسيرك ،
بس الي نتفق عليه جميعاً هو " الاهتمام "
...
اقولك على شيئ ..
انا انقبلت الترم الماضي وبدأت دراسة " بعد شهر من بداية الدراسة ..
كانت صدمه لي انا والقروب لم دخلنا اول محاضرة فيزيا والدكتورة قالت " اليوم حنبدأ في شابتر 3 " = " اليوم حنبدأ في الباب 3 "
وامتحانات الدوري الاول بعد اسبوعين !
طبعا .. الملامح كانت
في ذيك المحاضرة ماكان شاغلنا شيئ غير استيعاب الجمله الي فوق *.*
وكان حدث الاسبوع الصدمه بالنسبة لنا ،،
بس مع هذا ،، كله تترجم بعد كذا الحمدلله ،، وماجا الاسبوع الي بعده الا وكل شيئ سليم ،
واقل درجة كانت في ذاك الامتحان في الشعبه 28 من 30 ..
وثلاث ارباع الدفعه نهاية الترم ومعلاتنا 5 والربع الباقي 4.95 !
بمجرد ماتنقبل ويكون معك ناس وضعهم زيك ،، فحطوا على ما انقبلوا ،، وكرفوا لانه عندهم احلام راح تمشي الايام بكم سوا ،
وراح تجتهدوا سوا ، هدفكم واحد ومعاناتكم وحدة ،، وان اختلفت الاتجاهات ،
بس هدفك قدام عينك وهو الي بيحدد وجهتك ومقدار سرعتك .
....
شكلي قرقت كثير كالعادة ><
هذا تقريباً كل شيئ
اتمنى اني افدتك
مووفق : )