[white rose]

وعليكم السلام ورحمة الله وبركااته

هلا عزيزتي لك وحشة والله

وكل عام وانتي بخير وصحة وسعادة يارب

ما شاء الله دوم هالحماس ربي يحميك

الاستاذات يختلفو من ترم لاخر وبالتالي ما نقدر ننصحك بأسم معين مجرد نقولك كل استاذة عادة اش تعتمد وكيف يكون تصحيحها لكن بشكل عام من فترة ماسكة مقدمة في اللغويات مس ليلى هاشم ومس ليلى تكرر اسالتها وما تطلع عن شرحها واخر اختبار معها كان كلو اختياري حسب ما افادو البنات وشوفي هنا التجارب مع كل استاذة : ||تجاربنا مع أستاذات قسم اللغات الأوروبية - طالبـــــات || ~ متجدد

والمواد بعد المستوى الرابع تصير تنقسم لقسمين : لغوية علمية زي الرياضيات 1+1=2 ؛ بمعنى فيها تعاريف وتعدادات وشروحات تنفهم وتنحفظ وتكبينها باسلوبك وتهتمي فيها بحجم المادة زي المقدمة في اللغويات حجمها يعتبر كبير لانها اساس اللغويات وفيها مقدمة لكل مواد اللغويات اللي راح تكون بعد كذا لذلك تاخذ منك بالمذاكرة اسبوعين وتحتاج ترتبين جدولك على مذاكرة اولى ومذاكرة ثانية ومذاكرة قبل الاختبار يعني ابدائي من بدري وعادة المقدمة ما يتغير منهجها ثابت بس تغيرت السنة الماضية الطبعة للكتاب وهنا تلاقي كل ما يخص المادة : روابط وشروحات مبسطة مساعده لفهم مقدمة في اللغويات lane321 --متجدد

كتاب مقدمة في اللغويات الجديد والمطلوب لعام 2013

القسم الثاني المواد الادبية وعندك مقدمتين فيها مقدمة في الادب ومقدمة في الادب الحديث بكلا المادتين فيه قصايد + روايات + مسرحيات وبعدها تتفرع من المقدمة في الادب مواد زي ادب القصة والمسرحية والشعر ..الخ
المقدمة في الادب [عبارة عن : مجموعة قصص قصيرة + شعر + مسرحية ] تدرسين فيها الالمنت [ عناصر ] كل نوع وتتعلمين كيف تطلعينها من النص اللي قدامك وفيه مواقع تساعدك على البحث زي سبارك نوت واي نوت وغيرها بمجرد ما تحطي اسم القصة وجنبها كلمة summary or study guide بجوجل راح تطلع لك كل المواقع اللي تكلمت عن القصة او القصيدة او المسرحية

طبعا كل سنة نسوي موضوع نجمع فيه الشروحات بمجرد نزول المفردات لان مقدمة في الادب تختلف من سنة للثانية كمان لو مسكتكم زي الترم الماضي د. سوزان فلها منهج خاص فيها يختلف عن المفردات حتى .. وماراح تعرفين تبداين بالمادة الا لمن تنزل الشعب وتتاكدين انه المس راح تعطيكم المفردات الاساسية اللي على موقع الجامعة لمن تنزل ان شاء الله تعالى وشوفي هذا تجمع الترم السنة الماضية وتقدرين تاخذين منه فقط الالمنت وتأخذين فكرة عنها : نصوص وملفات تحليلات لمنهج الأدب 341الجديد لعام 2013م/1434هـ

وعادة نصوص القصص والشعر والمسرحية يكونو على النت فما يحتاج انك تشترين الملزمة للمادة لان الملزمة يكون فيها فقط النصوص مصورة بالعادة

الترجمة ما تغير الكتاب من فترة لكن ما تنضمن والمادة تعتبر متوسطة تميل للسهولة خاصة لو انك متقنة قواعد اللغة الانجليزية والعربية بشكل طيب وهذا رابط كتابها :
كتاب مقدمة في الترجمة lane 350 المُقرر للعام الحالي -جاهز للتحميل
المواد الحرة العادة ما تنزل قائمتها على موقع الجامعة للطالبات لكن اذا رحتي لمكتب الانتساب وقت الحذف والاضافة او رحتي لمس جميلة ممكن يعطوك نسخة منها
قائمة المواد والمفردات المفروض خلال هالايام تنزل قبل بداية الترم الدراسي والعام نزلت برمضان وان شاء الله تنزل قريب لكم

لا تشتري اي كتاب الان استني للمفردات وتقدرين تشوفي النسخ الالكترونية المتوفرة على النت وتبداين فيها الين تنزل المفردات لكن منهج الادب انتبهي يتغير بس اطلعي على الالمنت واعرفيها ..

المواد ينصح خاصة هالترم تخليها 4 اكتفي بالمقدمات ومادة خفيفة معهم ومن المستوى الخامس لما فوق يفضل انك ما تكثرين بالمواد لان المواد تصير بالفهم مو بالحفظ والحجم يكبر كثير عن زمان فانتبهي الله يرضى عليك وما عليك من الخطة كطالبة انتساب ركزي بالمعدل لانه هو اللي يفرقك عن طالبة الانتظام فحاولي يكون عالي قد ما تقدرين

اذا انتي متفرغة تقدرين بعد المستوى هذا تاخذين خمس مواد لكن راح تحتاج شغل من اول يوم بالترم الدراسي لان كل مادة اقل شي يبغالها مرتين مراجعة قبل النهائي والناس قدرات طبعا بس الاغلب يحتاجو اكثر من مراجعة للفهم ..

الله يوفقك :-)