[حيــــــاة]

المشاركة الأصلية كتبت بواسطة يومتي ممكن أحد يشرحلي كيف الوزاارة تقوول اسمك موجود في عبدالعزيز وماانرفع؟؟؟؟؟؟ أنا لما اتصلت طلب مني رقم الهوية قالولي اسمك موجود في عبدالعزيز وخلاص تابعي مع الجامعة ولما سألته متى يخلصوا المعاملات قالي يمكن بعد 3 أسابيع ..< قلت أكيد تصررريف وسألته متى الدوام ترم اول ولا ثاني قالي ع حسب الجامعة اش تقولكم يعني ممكن يكون اسمي موجود وما انرفع .؟؟؟؟؟؟؟ ولا كيف مافهمت

المشاركة الأصلية كتبت بواسطة همس الخواطر .. هوا اول مرره يدق ع الوزارة امس وهوا جاه انو مرشح ف الموقع بس قاولو اسمك مانرفع يعني ما وصل للوزاره وما نعرف السبب ممكن زي ماقالت حياة مقدم ف جامعتين كان ، انتي قالولك ف الوزارة اسمك موجود خلاص يعني اترفع ف الوزارة اسمك الان وضعك ف السليم :)

احنا العام لم كنا نتصل ،، كان كل الي موزونهم 90 وفوق تكون اسمائهم مرفوعه للوزارة ،، يستعلم لهم عن الاسم ويقول اسمك موجود انتظر رد الجامعه ،
والي اقل اسمه مش موجود اصلا ،،
وفعلاً .. كل الي كانت اسمائهم موجودة انقبلوا مانقص ولا واحد <<اتكلم عن دفعة العام .. كان عددنا فوق الـ 30 الي كنت متواصله معاهم وكلنا اتصلنا وهذا الي صار معنانا >>

ممكن لم قله اسمك موجود في الجامعه بس ماوصلنا ،، قصده ان ايوة انت قدمت للجامعه بس الجامعه ما ارسلت لنا اسمك ،، <<سقط سهواً مثلا !!
زي وحدة من صحباتي العام برضه ،، قدمت بالغلط برقم هوية ابوها .. المهم صار في خطأ في البيانات وقت ارسال الاسماء للوزارة وما انرفع اسمها ولم كانت تتصل للوزارة اسمها ماكان موجود ويقولوا ماوصلنا !..
يعني ..
اسمكم انرفع للوزارة يعني اطمنوا .. واذا وسوستوا بعد الي صار معاه ،، عادي ارجعوا اتصلوا مره اثنين ثلاثة عشرة الين يرد عليكم احد فاهم وتطمنوا بنفسكم ،

انا هنا مابيدي اقولكم انقبلتوا رسمي ويلا استلموا بطاقاتكم ،
احاول بقدر الامكان اطمنكم واقولكم على كل كبيرة وصغيرة مرت علي ..

ترا ياااااما سمعنا كلام خرابيط ،، ويـــــــاما قالوا لي مانقبل " غير سعوديين " ويــــــاما تصير قبل القبول بشهر تجي وحدة تقول الموظفة قالت لها : الي قدموا عن طريق النت ماينقبلوا ومافي تقديم نت لغير السعوديين !! دا كله بسبب واحد يرد مو داري عن الطبخة ويجيب العيد ويقول المسكين الطالب المفزوع طبعاً يصدق واصلا مايكون فاهم اش قله ! وتصبح احدى حكايات الف ليلة وليلة -ـ-
كلام كثير وهبل كثير ينقال ،، لو كنت صدقت الي سعنته طول فترات تقدمي كنت اكيد من زمان انجلطت

مافي طريقة للتأكد غير ان كل واحد عنده اسمه ورقم هويته وتليفون ويبدأ يتصل ويتصل ويتصل ويتصل ،، ويســـــأل الين يطمن ..
...
واساساً .. اذا احد موزونه حسب المطلوب 90 وفوق ومن جدة وكل شيئ اموره تمام ،، مافي اي مانع من قبوله و اسمه انرفع للوزارة وفي الموقع مرشح ،،
يعني خلاص اطمنوااا اهدوا اصبروا شوي ،،

وبيجيكم الخير ،، : )

...
ربي يوفقكم وييسر لكم كل عسير : )

المشاركة الأصلية كتبت بواسطة traneem alamal الأخت اللي قالت ان اسمها ما انرفع للوزارة وينها ما تجاوب على أسئلة الأخت حياة ترا إحنا متوترين مو ناقصين احد يجي يقول كلمتين ويفحط من غير ما يتجاوب مع بعض الاستفسارات ان كنتي مقدمه على جامعات ثانيه أو نسبتك زي ما قالت حياة قلتي من زمان أنها 89 وشي أو انك من خارج جده عشان نعرف ايش المشكلة اللي عندك بالزبط ونشفلك حل ...عشان نتأكد إحنا كمان انو ما عندنا مشاكل

ترانيم
ترا انتِ خابصة بين حالتين *ـ*
في البداية تكلمتي عنه انه ماترشح وموزونه عالي ..
وبعدين جيتي تتكلمي عن ملامح صبا الي موزونها 89 وطلع لها انه ترشح
..
ارجعي للردود عشان لاتنخبصي

الله يوفقك : )

المشاركة الأصلية كتبت بواسطة alkozy يا ناس مافي شيء اسمه اسمك موجود بالجامعة بس ما انرفع !!! حقين الوزارة لو دخلو اسمك بالكمبيوتر وطلع اسمك يعني 100٪ ترشحت لو اسمك بقي بالجامعة وما ترشحت ماراح يطلع للي في الوزارة وراح يقولك مالقينا اسمك اللي قالكم هالكلام موجود ومو مترشح مو فاهم شيء لانه مستحيل يكون اسمك موجود بالوزارة وانت ماترشحت مو بس حياة اللي فاهمة وحاجة هي ماعندها الخبرة فيه كيف تبغوها تطمنكم ؟ بس خدوها مني لو دقيتو ع الوزارة وطلع اسمكم بالجهاز يعني ترشحت اتطمن خلاص انا شفت النظام باسلامية وطيبة البرنامج لما تدخله رقم هويتك اما بيقولك اسمك موجود من الجامعة الفلانية يعني مترشح او بيقولك مافي نتائج < مافي نتائج يعني ماترشحت فقط بالحالة دي بس اللي يبغى يتاكد ويقطع الشك باليقين يدق ثاني ويحاول يسأل موظف ثاني

الله يبرد قلبك ،،
من كثر مالفلفت من طيبة وجدة والاسلامية صرت توثق كلامك من الجهات الثلاث كلها هههه

الله يفرحك بقبولك في اللي تتمنى باسرع وقت

موفق : )

المشاركة الأصلية كتبت بواسطة همس الخواطر .. طيب احنا عشان ما دقينا ع الوزارة اعتمدنا ع الترشيح حق الموقع توترنا :/

ارجعوا دقوا
...

: )