[حيــــــاة]

المشاركة الأصلية كتبت بواسطة شوكولاتوو السلام عليكم مساعدة الله يكون في عونكم انا ادق ع ام القرى لكن مايرفعوا ..........؟صرلي ادق من 6 شوال الله يخليكم عطوني الرقم الصح وتحويلات واذا تقدروا قوليولي كيف اسوي التحويلة امكن جالسة اسويها خطا المهم عطوني رق وتحويلات م جامعة ام القرى ..؟ واذا رفعوا ايش اقول خخخخخخ يعني اقول ابي اسال ان اترشحت ولا لاء<<<خخخ صح ولا لاء الله يوفق اللي يرد و يبرد قلبه بخبر يفرحه امين

وعليكم السلام ورحمة الله وبركاته
اذا شاكة في الارقام ،، بكل بساطه خذيه من الاستعلامات ،
هم بيعطوكي الرقم الاساسي للاستعلامات العامه حق الجامعه فاتصلي وقولي لهم اعطوني تحويلات عمادة القبول والتسجيل ،

ولم تتصلي عالعمادة طال عمرك .. قولي له : بستفسر عن قبول الغير سعوديين في الانتظام ،،
انا قدمت من شعبان عن طريق الموقع وارسلت لكم اوراقي عالايميل متى بيجيني الرد وكيف اعرف اذا ترشحت للقبول او لا ،

.،.
مع انه دامك تبي تسألي عن الترشيح اسألي الوزارة مو الجامعه ،، عالأغلب الجامعه بيصرفوكي او مابيفهموا اش تبي ><
بس الوزارة متعودين كل يوم احد يتصل يبي يعرف اذا ترشح او لا ،

ولو اتصلتي عالوزارة ،، تقولي له :
لو سمحت ابغى اسأل عن قبول الغير سعوديين في ام القرى ، بيطلب اسمك ورقم هويتك وممكن رقم جوالك ..
وبيطقطق عالجهاز ويقولك " اسمك موجود " وانتظري الرد من الجامعه بالقبول النهائي ،

بتسأليه: متى القبول النهائي ،،
بيرد : حسب ماتخلص الاجرائات ،

بتسأليه : دام اسمي وصل عندكم يعني بإذن الله قبولي اكيد !!
بيرد : بإذن الله بس باقي الموافقات النهائية ،

بتسأليه : كم الموزون المطلوب للقبول ؟
بيرد : ما ادري لسى ماتحدد ،

ممم دوري كمان شيئ تسألي عنه اي شيئ حتى لو اهبل <<حللي الاتصال اليوم يردوا بكرة لا

طيب شكرا ..
عفوا ..
الى اللقاء <<عشان يعرف انك ما اكتفيتي بدا الاتصال ولك رجعات كثير
^^
ابد انا ما اسأل هالأسألة كلها لم اتصل