[حيــــــاة]

المشاركة الأصلية كتبت بواسطة عزتي بنفسي صواب ايوة هي مو سعودية وحابة تدرس بجامعة الملك عبد العزيز مافهمت يعني التسجيل مفتوح ؟؟؟؟؟ طيب كيف طريقة التسجيل ترى مو عااارفة شيء ابد وكيف تقدم عالاعفاء ؟؟؟؟ يدوي يعني ؟؟ يعني على كده يمديها تدرس بالترم الاول ؟؟ وجزآآآكم الله خير

افهم من كلامك انها اصلاً لسى ماسجلت *ـ* !؟!
اذا كذا ،،
يؤسفني اقولك إن التقديم خلص من 15 شعبان .. وعالأغلب مايفتح للترم الثاني
<<كان يفتح عالترم الثاني يدوي بس من العام معاد رضيوا يقبلوا عالترم الثاني ، لو تبي تجرب بين الترمين ترسل احد لعمادة الرجال وتشوف اذا في تقديم او لا ،، لانه لو فيه مايكون مُعلن عنه >>..

قلت لك الاعفاء عن طريق الرابط الي اعطيتك ياه ،، تتابع الين يفتح وتقدم الكتروني وتصير عملية فرز بعد كذا يرسلوا عالجوال للناس المقبولين في الاعفاء ويراجعوهم ،
هو يفتح مره في السنة في القعده ،،
يعني حتى لو سجلت عالترم الثاني راح تدفع لأول ترم ،، والترم الجاي لها تقدم عليه زي هالوقت بإذن الله ،

اتمنى تكون وضحت لك الصورة ،، واي سؤال ثاني انا حاضرة

موفقه : )

المشاركة الأصلية كتبت بواسطة skooon السلام عليكم .. انا قدمت ع الجامعه وطلع لي تم ترشيحك والحين جالسه استنى يرسلون رسالة ع الجوال زي بقية المتقدمين .. المهم // انا ابغى افهم اش الخطوات اللي بعد القبول ان شاء الله يعني في اختبارات والا لا واذا انقبلت فأي فرع يقبلوني وكيف حيكون دوامنا مو فاهمه شي أحس كل شي ملخبط قدامي وكمان انا للحين ماحددت مساري يعني علمي والا ادبي لاني اصلا مو عارفه التخصصات الموجوده في القسمين أو بالأصح للحين ما لقيت التخصص اللي يحدد مساري وانا كمان متخرجه من سنتين تقريبا يعني ناسيه كووول شي واذا في اختبارات حروح فيها :"( اللي عندو خلفيه ياليت يفيدني وبالذات "حياة " الله يفتح عليها ويوفقها وبسس .! << بعد القرقره هذي كلها !!

وعليكم السلام ورحمة الله وبركاته
اولاً مبروك ترشيحك : )

بالنسبة للفرع ماندري حسب تفكيرهم ورغبتهم لم يجي القبول -ـ-
انا لم انقبلت العام الترم الثاني قبولنا في الفروع ( العلمي في الشرفيه والاداري في السلامه بنظام مسائي تبدأ محاضراتنا من 12 الين 7 المغرب )
بس السنيني الي قبل كانوا يخيروهم والاغلب يقبلوا في الرئيسي في السليمانية .
فماندري كيف بيكون النظام لدفعتكم ..

مافي اختبار قبول ولا شيئ ،، بس اختبار تحديد مستوى ،،
الي على اساسه يحطوكي في اي مستوى في الانجلش ،
لازم في التحضيري تكوني درستي 4 مستويات ،، مستويين في الترم الاول ومستويين في الثاني ،
وهم يعملوا دا الاختبار عشان كل واحد يتحدد مستواه يبدأ من الاول او الثاني او الثالث ،، الخ
وطبعاً لو بدأتي من الثاالث او الرابع يفرق كثير عن لو بدأتي من الاول ،، يخف الدوام وتتفزغي لمذاكرة بقية المواد ،

فنصيحة اذا زي ماتقولي عندك حفله دماغية ،، نشطيها عالفترة وقوي انجليزيتك اقلها تعدي الاول ،،

بالنسبة للمسارات علمي او ادبي ،، لازم تفكري عالفترة وتفكري كويس وكويس وكويــــس مررررره ،،
لانه هذا مستقبلك اليــــن قــــداااااام ... ومسارك في التحضيري هو الي بيحدد تخصصك ومستقبلك .. فلازم تقرأي وتدوري وتبحثي الين توصلي ،
للمعلومية بس ،، لو دخلتي مسار علمي مو معناته انه حتى تخصصات الاداري متاحة لك ..
لا الاداري بتخصصات والعلمي بتخصصات ..

معك فترة طويله كفيلة بتحديد ميولك ،،
ادخلي موقع الجامعه
<روحي الكليات
< ابدي اطلعي عالكليات
< حددي وافرزي اش الي ممكن في بالك
<افتحي كل كلية وشوفي تخصصاتها
<امسكي كل تخصص لحال واقرأي عنه وشوفي الخطة الدراسية للتتخصص في الموقع عندك <شوفي المواد في الخطة
<ابحثي في المنتدى هنا في قسم التخصص
< بتتجمع عندك مجموعه كبيرة من التخصصات الي في حبيتيها <بعدها ابدأي اعملي مقارنه بين كل واحد والثاني واجابيات وسلبيات كل واحد ومجاله الوظيفي يناسبك او لا ونوعية الدراسة وهل يوافق شخصيتك وبيئتك ووو
<راح تطولي كثير وتحتاري كثير <بس في النهاية راح تلقي انك فعلاً وصلتي لشيئ وانتِ مرتاحة من كل الجوانب ..


الله يختار لك الخير وين ماكان : )
..

اتمنى اني افدتك ..
موووفقه : )