[ام حمدان]

وعليكم السلام ورحمة الله وبركاتة

اخي

الحسبة الدقيقة تظهر لك في حساب المعدل تجريبيا بعد مايتفح الحذف والاضافة وتضيف موادك وتقدر تخمن وقتها درجاتك وتشوف لكم ممكن يرتفع بالضبط

وبقولك بحسبة بسيطة تقدر تعرف لكم ممكن تحتاج حتى يرتفع بالتقريب

اجمع كل معدلاتك الفصلية من اول ترم بالتحضيري لاخر ترم درسته واجمع معهم المعدل اللي تخمن انك ممكن تحصل عليه الترم القادم ونتيجة الجمع ارجع اقسمها على عدد الفصول اللي درستها من اول فصل بالتحضيري لاخر فصل درسته ومعهم طبعا الفصل الجديد القادم وبيظهر لك المعدل اللي ممكن تحصل عليه


بشرحهم بارقام من عندي مألفتها حتى توصل الفكرة لان شايفه كثير قالقهم موضوع المعدل

ع فرض ان هذي معدلاك الفصلية وانك درست مثلا 8 فصول (اربع سنوات) وناوي تزيد فصل تكمل اللي باقي لك اللي هو الترم القادم

معدل اول فصل 4.50
ثاني فصل4.50

ثالث فصل 4.30
رابع فصل4.30

خامس فصل4.20
سادس فصل4.10

سابع فصل4.05
ثامن فصل 4

تاسع فصل 4.50

نجمع المعدلات هذي كلها ونقسمها على عدد الفصول اللي هو 9 ويطلع لنا التراكمي وهذي النتيجةيعني التراكمي يصير =
4.27 تقريباً
اتمنى فهمت علي وتقدر تطبق الفكرة بنفسك ع معدلاتك وتشوف كم تحتاج حتى توصل للمعدل الي تطمح له

المهم تعرف ان عندك فرصة ترفعه بس اهم شي حاول تجيب درجات ممتازة المواد الباقية لك منهم 2 عامه الامتياز فيهم سهل الحصول عليه ومادة التخصص الباقية لك ماهي صعبه بس دسمه لو مسكتها من بدري مجرد نزول منهجها ومعرفة دكتورها بيكون امر الامتياز في يدك بعون الله



وفقكم الله