[بوح وجدان]

المشاركة الأصلية كتبت بواسطة nelofer شوفي حبيبتي انا مااعرف والله شي في الحذف والاضافه ومواد حره ومدري ايه مااعرف فيها شي ان شاء الله احد يفيدك بس الدوام والدراسه كثير كانو معايا يدرسو وموظفين عادي محاضرات التعليم عن بعد تبدا من الساعه 4 او 5 على حسب لمن الساعه10 يمديك تجي من دوامك وتريحي وتنامي وتصحي تحضريها وادا ماحضرتيها مافي مشكله عندك اسبوع تقدري تحضريها في اي وقت في الاسبوع دا بس ادا انتهى الاسبوع يحسب لك غياب ادا ماحضرتي. وبخصوص القروبات هدي ياطويلة العمر بداية الدراسه بعد المحاضره او بدايتها البنات يعطو بعض ارقامهم وبناتهم ويسوو قروبات على الواتس والبي بي ويساعدو بعض فيها اتمى افدتك والله يوفق الجميع

ياقلبي مشكورة عالنصيحة وعشان أفيدك حافهممك الحذف والمواد الحرة وكل شي
شوفي ياقمر الحذف والاضافة القصد منها انك يا حاتضيفي مادة أو تحذفي مادة يعني مثلا نحنا بالخطة الدراسية بالتخصص حقنا المستوى التالت
1)- مبادئ المحاسية
2)- مبادئ الإقتصاد الجزئي
3)- مبادئ العلوم الادارية
4)- مبادئ العلوم السياسية
5)- ثقافة 2
6)- التحرير الكتابي اللي هوا عربي2

هذي الخطة في ناس مايبغو يدرسو بالترم دا 6 مواد يبغو يدرسو 5 مواد فيضطروا يحذفو مادة من الخطة وفي ناس درسو الثقافة 2 مثلي انا عشان كنت بالاداب وحولت فدرستها هيا والعربي وبكذا لازم أضيف مادة بدالهم أو عادي ادرس 4 مواد بس انا ابغى 6 المووهيم
دي الحذف والاضافة نروح لي المواد االحرة والاختيارية والعامة

المواد العامة.. مواد اجباررية كل الكليات تدرسهم واللي هيا ثثقافة 1و2و3و4 والعربي1و2 دي مواد الكل يدرسها من اي كلية
المواد الحرة .. دي المواد ترررفع معلك خصوصا ادا بتقربي تتخرجي فتختاري مادتين او 3 مواد من نفسك بس تكون دي المواد خارجة من الكلية يعني مثلا مادة علوم القران خفيفة وسهلة ورفعت معدلي طبعا تكون المواد يامن تخصص دراسات او تاريخ او جغرافيا او عربي او اي تخصص خارج الكلية
المواد الاختيارية ... نفسس الكلام بس اللهم المواد اللي تختارية تكوون داخل كليتك ( كلية لاقتصاد والادارة ) مثلا ادارة العلاقات او النظام السيايسي وزي كدا

وووبس يارييت اكون اافدتك :*