[بشائر الفرح =)]

Genetics علم الوراثه :

عدد الساعات : ساعتين
مادة علم الوراثه .. من أخف وأجمل المواد .. واللي الاغلبيه جابوا فيها درجات عاليه ..
الماده ك معلومه ومحاضره ممتعه جداً .. سهله وخفيفه بمعنى آخر عشان كذا لا تفوتوا فرصة الدرجه الحلوه فيها ..

نبذه عن الماده :

- تدرسوا الكروموسومات أشكالها , أنواعها , عددها
- لمايزيد كروموسوم ايش المرض الوارثي اللي يظهر ولما يقل كروموسوم ايش بيحصل
- الأمراض الوراثيه ح تغطوها بشكل عام
- الطفرات الجينيه , وتجربة مندل بشكل مفصل وأكثر متعه
- كيفية تشخيص الأمراض الوراثيه
- الإستشاره والتوجيه الوراثي لما يكون فيه إحتمال الإصابه بمرض معين لدى العائله كيف يتم التوجيه والتعامل مع الحاله وغيره ..

المراجع :
Jorde & Emery





شيتات الماده هذي حلوه .. خاصة شيتات الدكتور أشرف شامله جداُ ومرتبه

Problem solving :


عباره عن كويز صغير mcqs & short question بيعملوا لكم القسم
بعد كل كم محاضره كذا .. من 10 درجات .. كانت خمسه كويزات جمعوها وقسموها ع 5 .. وهذا الحلو ف الماده يجي وقت الفاينل وإنتوا حافظينها تقريباً ..

نصائح وتوجيهات :
1) حضور المحاضره والتركيز فيها مهم جداً .. في معلومات كثيره بتثبت من مجرد الحضور
2) في نسبه من أسئلة الإختبار ما تتجاوب إلا من اللي مذاكر وفاهم مزبوط يعني الفهم أولاً ثم الحفظ ..
3) درجات الماده مقسمه على الكويزات والميد والبرزينتيشن و الفاينل
4) إهتموا بكل جزء ف الماده وبإذن الله تفرحوا بالدرجات الكويسه ..


أعضاء هيئة التدريس :


طلاب : د. أشرف , د. حسن ,
طالبات : د. فايزه الفايز , د. جمانه الأعمى , د. نجوى



مقدمه سريريه ومهارات إتصال ( ECE )
Early clinical Experience


عدد الساعات : ساعتين

• الماده هذي ح تنتهوا منها قبل الحج , ويأتي بدالها بعد العوده النيوترشن زي ماصار في سنه ثانيه بين الهستولوجي والباثولوجي ..

• أحللى مافي هذي الماده إنها ح تعيشكم جو المستشفى .. حيكون لكم نزلات وصولات وجولات وشي جميل إسمه الـ log book ..

نبذه عن الماده :


الماده تجمع مابين الأخلاقيات الطبيه أو النظره الطبيه لكثير من المواضيع الطبيه المهمه و بين جزء الكلينكال والعملي ..
بمعنى عندكم ( محاضرات + نزله للمستشفى مع الإنتيرن وتعبئة اللوق بوك + سكيل لاب + presentation)

من أبرز المواضيع الماده :


- الأبحاث العلميه , كيفيه كتابه مقترح بحثي proposal ( وح يطلبوا منكم كتابة مقترح بحثي ) ..
- كيف تأخذوا التاريخ المرضي ( history ) , وكيف تعملوا الإختبارات السريريه ( clinical Examination )
- سلامة المريض وضرورتها وشروطها
- مهارات الإتصال مع المرضى بشكل عام

المراجع :

الماده مرجعها الوحيد ف الشيتات وأيضاً لجزئية الكلينكال تقدروا ترجعوا لبوكيت صغير مناسب لكم ف هذه المرحله اسمه introduction to clinical examination " "



Log Book :


هذا كتاب يعطيكم هوا القسم مطلوب منكم تعبوه ..
مقسم إلى قسمين : قسم زيارات المستشفى مع الإنتيرن عباره عن 9 زيارات .. اللي حيشرفوا عليكم طلاب وطالبات الإمتياز .. محدد ف بداية الكتاب أهم الأقسام اللي ضروري تعرفوا عنها وتغطوها خلال زياراتكم .. مثل ( العيادات , غرفة الطوارىء , قسم الأشعه , اللابات بمختلف أنواعها , وحده المناظير وغيرها كثير )


ف قسم الزيارات : تكتبوا كل اللي شفتوه وكل اللي تعرفتوا عليه بحيث مايقل عن صفحتين وأهم شي لا تنسوا توقيع الإنتيرن على كل زياره ..

والقسم الثاني : عباره عن مواضيع طبيه ملخصه .. يعني تختاروا أي موضوع طبي حابين تتكلموا عنه وتلخصوه بأسلوبكم من الكتب الطبيه أو المواقع الطبيه المعتمده والمعروفه .. وغالباً أيضاً مايقل عن صفحتين

طلبوا مننا 9 مواضيع واللي يزود يعتبر " بونس له "

الكتاب عليه 20 درجه.. اهتموا به واكتبوا كل شيء شفتوه بكل حرص وإهتمام .. لإنهم بيصححوا مزبوط , صحيح كان كثير بيأخذوا الدرجه كامله بس كمان ف المقابل كان في بنات بينقصوا .. ف انتبهوا 

لا أنسى أذكركم بإن تستفيدوا من تجربة دكاترة الإمتياز وتتعلموا منهم خبرات تفيدكم ف الطب وف الحياه 

Presentation


أي موضوع طبي حابين تعرضوا عنه أو غير طبي حتى ,
أهم شيء تهتموا بالبريزنتيشن مزبوط وبطريقة الإلقاء والمعلومات تكون شامله ومرتبه .. طبعاً ح تتقسموا مجموعات لكل مجموعه موضوعها الخاص تعرضه لمدة 5 دقايق ..

طبعاً الدكتوره على حسب يا تخليكم تطلعوا تعرضوا زي ما إنتوا مرتبين نفسكم أو تختار منكم عشوائي .. اللي أتذكره إنها خلتنا على راحتنا ! ف على حسب وأكيد ح ينبهوكم على النقطه هذي.. أهم شيء تكونوا مستعدين دائماً 



العملي :
حتأخذوا عملي " لابين أو ثلاث لابات ما أتذكر بالضبط " ..
حلو العملي زي " الهستوري والإكزامنيشن " حاولوا تتعلموا منه وتهتموا به لإن حيفيدكم جداً ف سنه رابع ..

النقطه المهمه : مافي إختبار عملي للماده .. أسئلة الكينكال أو العملي حتكون ف إختبار الفاينل النظري




نصائح وتوجيهات :

1) حضور المحاضره كان بمثابة توجيهات وقصص ل طبيب المستقبل هدفهم الوحيد إنه يكون ناجح وأخلاقه عاليه جداً .. حقيقي كانت ممتعه وبسيطه ف معلوماتها
2) جزئية الكينكال يعتبر بسيط ف هذه الماده .. لكنه أيضاً مهم وتجي منه أسئله ف الإختبار ف عشان كذا حاولوا تكتبوا كل معلومه وتسألوا ف اللاب كمان عن اللي مافهمتوه أو تحتاجوا توضيح له ..
3) الواجبات المطلوب منكم تسليمها ف نهاية هذه الماده ( اللوق بوك + المقترح البحثي )
4) درجات الماده مقسمه على الآتي ( لوق بوك + كويز + مقترح بحثي + presentation+ فاينل)
5) الإختبار النهائي كلو mcqs ويجمع مابين أسئلة المحاضرات العاديه وأسئلة الكلينكال " اللي أخذتوه ف العملي "


أعضاء هيئة التدريس :
" في هذه الماده حيجيكم دكاتره كلينكال كثير "
طلاب : د. مهدي
طالبات : د. ماويه , د. فاطمه الثبيتي , د. عبير

Wait , Do not disturb