صباحك فل و ياسمين..
بالنسبة للبيو طبعًا ما عندي خلفية،، بس أسمع يمدحوا نيفين..
//
الدكتورة منيرة قمة في التعاون و الأخلاق و أصلا المادة سهلة نو إن شاء الله تعتبر بريك لا أكثر و لا أقل في جدولك..
//
فيزياء 202 ..
أنا ما أعرف الدكتورة نورة درستني مادة ثانية و أول مرة تمسك فيزياء 202 الترم الماضي و ما عندي خلفية كيف المادة معاها..
ما قد سألت أحد من اللي أخذوها معاها كيف كانت..
//
ماث 202..
أستاذة ليندا خطيرة ما شاء الله حضرت لها في ماث 110 بس مو 202..
بصراحة مرة عجبتني ما شاء الله عليها شرحها حلو..
و كمان الدكتورة رانيا أسمع أنها ممتازة :)
عمومًا كل اللي ماسكين ماث 202 ما شاء الله شرحهم كويس..
//
معمل 281..
المعامل بتنزل باسم الدكتورة المشرفة لكن اللي ح تديكِ المعمل مو الدكتورة و إنما أستاذة..
الترم اللي فات قسمنا نزلوا أسماء استاذات المعامل،، ما أدي إذا ممكن تنزل على أول أسبوع أو لا..
بس عمومًا أستاذات 281 كلهم كويسات و أغلبهم درسوني معامل قبل كذا،، و اللي منهم ما درسوني سمعتهم يتمدحوا كمان فلا تشيلي هم..
مافي أستاذة مستواها أقل من متوسط..
//
بالتوفيق||~