[كوبالـت_Co]

المشاركة الأصلية كتبت بواسطة rody5 انا ماا احفظ كثير، افضل الفهم، لان االحفظ بالنسيه لي صعبب.. جزااك الله خير آخوي.. بس البقيه علموني "( مستحيل ماتعرفو تذاكرو، علموني طريقتكم "(

^^ طريقة مذاكرتي صعبة شويتين بس اذا مستعدة و جادة ممكن أعلمك

--------------------------------------------------------------

بالنسبة لطريقة الدراسة هاذي استعمليها مع كل مقرر على حده و استمري فيها طول الترم

أولاً : لازم تكون عندك المراجع لكل مقرر عشان لا سمح الله لو احتجتي تبحثين عن معلومة شاكه فيها او ضايعة او كتبتيها ناقصة بمذكرتك ترجعين للكتاب

ثانياً : يكون عندك كراس لكل مقرر الصفحة الي ع اليسار تكتبين الي تكتبه الدكتورة بالسبورة و الصفحة اليمين المقابلة لها تكتبين الشرح الي تقوله شفوي حاولي تلقطين منه قد ما تقدرين
لأنه عادةً وليس العالب يكون كلام مهم و بتجي عليه اسئلة ^^ ( و الكتابة مهمة و الملاحظات مهمة حتى لو فيه سلايدات لأنه ثبت علمياً إنه الشخص الي يكتب المعلومة يحفظها و يتذكرها احسن من الشخص
الي يسمع المعلومة بدون كتابتها و تمثل اليد بالحفظ تقريباً 65% من تركيزك و تذكريك للمعلومة ) .

ثالثاً : قبل كل محاضرة بـ 10 دقائق فقط راجعي المحاضرة الي قبلها عشان تربطين هالمقرر بالمحاضرة الي بتأخذينها حاولي و انتي تراجعين تتذكرين النقاط الي كانت تركز عليها الدكتورة و حطي عليها
خطوط اسفلها .

هاذي بالنسبة للمذاكرة العادية و ما تحتاج منك ترجعين البيت و تذاكرين ابداً كل جهدك و تركيزك بـ فترة الدوام فقط ^^ .

-----------------------------------------------------------------------------------------------

بالنسبة للأختبارات :

أولاً : مو كل الي تكتبينه بالسبورة أو الي تقوله الدكتور غالباً يكون مهم و نسبة وجود سؤال عليه بالأختبار عالية ,, نفس الشيء فيه اشياء مهمة لا يخلو الأختبار منها مثل التعريفات القوانين التعليلات .
فـ قبل الأختبار بـ 4 أيام ابدأي مذاكرة الأختبار بشكل طبيعي و قبل الأختبار بيوم تقريباً
جيبي ورقتين فاضية خارجية ,, ورقة اكتبي فيها التعريفات و القوانين الي لازم تذاكريها و تحفظيها و الورقة الثانية اكتبي فيها التعليلات و الملاحظات الي سجلتيها بالمذكرة و الي نبهت عليها الدكتورة كثير .
وراح تنصدمين بعد هالورقة بإنه الأختبار الي لازم تذاكرين منه 30 أو 40 صفحة لخصتيه في 3 أو 4 صفحات فقط !! ,, و ببعض الأحيان كنت الخص مقرر كامل إلى 5 أو 6 اوراق و احياناً في 4 أوراق !
و التلخيص مهم يساعد على ترتيب المعلومات و ما يخليك تنسينها ابداً

ثانياً : بعد كل أختبار الأسئلة الي جاتك في الدوري الأول او الثاني اكتبيها بورقة خارجية او حدديها بالقلم الأحمر على المذكرة حقتك ,, سواء حليتي السؤال صح او خطأ لأنه بعض الدكاترة
يكرر بعض اسئلة الدوري الاول او الثاني و بعضهم يجمع الأول مع الثاني بأختبار الفاينل .

ثالثاً : لو لقيتي نماذج اسئلة خذيها و حليها مع الأخذ بعين الأعتبار انه هالأسئلة مو شرط تجي زيها بالضبط إنما هي تدريب لك ع مذاكرتك و يا حبذا لو طلعت نفسها ولو انها تكون غالباً بنسب ضئيلة تجي نفسها .

رابعاً : و هاذي مهمة قبل الأختبار بـ ساعة أو ساعة و نص لا تراجعين او تذاكرين و انسي كل الملازم و المذكرات و الأوراق الي معك ولا تناقشي زميلاتك بأي معلومة أو سؤال لأنه المذاكرة قبل الأختبار
تسبب ربشة و إرتباك فـ يجي سؤال بسيط و سهل و تقدرين تحلينه لكن تجيك وسوسة يمكن حل السؤال كذا انا سمعت فلانة تقول كذا فـ ريحي رأسك من هذا كله .


بالتوفيق ::.