[الحان !]

وعليكم السلام وحمة الله وبركاته ..
قسم الاحصاء ممتع لو انتي حابة الاحصاء والماث والمواد اللي كذا ,,
الدراسة في القسم تعتمد عليك اول شيء ما في شيء يجي بسهولة وما في شيء مستحيل لازم تذاكري اول بأول ولكل مجتهد نصيب
المواد راح يكون عندك مواد من كلية الحاسب ومواد من قسم الرياضيات
3 مواد ماث (تفاضل وتكامل2-تفاضل وتكامل3-جبر خطي )
ومادتين حاسب ( برمجة - قواعد بيانات )
موزعة على المستويات
في اول سمستر تخصص حيكون عندك برمجة وتفاضل 2 واحصاء تطبيقي ورياضيات احصائية بالاضافة لو عربي وثقافة ومعمل كيمياء حسب جدولك
وترتيب الجدول افضل شيء تروحي للقسم وتشوفي مع المرشدة حقتك ايش المواد اللي لازم تاخديها وكدا وهيا راح تفهمك وتعمل لك الجدول لو كنتي مو عارفا
القسم حيكون في الدور الثالث سكشن c

اسماء الدكاترة انصحك تجربي بنفسك الدكاترة لانو اللي تناسبك ممكن ما تناسب غيرك بس عموما كلهم كويسين وذا حسب ما سمعت عنهم
د\ مها الدحلان طيبة وتساعد في الدرجات بس شرحها مو مرا
د\ زكية الصيعري مرا طيبة وشرحها حلو بس احيانا تلخبط في المحاضرة وتلخبطك
د\ رنا باكوبن جدا كويسا وتاخدي حقك معاها وشرحها ممتاااز
د\ فوزية قشقري ما اعرف لانو ما درستني
د\ ماجدة بدر مررا كويسا ومخلصة في شرحها
د\ فاتن خان مزاجية مرا ولو كانت اول مرا تدرس المادة راح تتعبي معاها
د\ جواهر باصبرين ما اعرف لانو ما درستني
واولا واخيرا اجتهدي وربي ماراح يضيع لاحد تعبو وان شا الله حتنبسطي في القسم لانو مرا متعاون وحلو
بالنسبة للغة *المواد بالانقلش بس الاستاذة بتشرح عربي زي التحضيري تقريبا *
بداية موفقة للجميع